AVAZ NASLELI KILLONCH

AVAZ NASLELI KILLONCH



Darar ubem ravun
Tem aple bapaichi vatt polleat aslem
Veginuch ietlo ghora
Pappache vegent khellunk axelelem

Papa ticho aslo
Eka poisulea zhuzache moidanar
Monant tichea ekuch usko
Kedna porten nachtelem papache kandar

Dusmanache bonduk gulleani
Sompoili jinn desachea moga pasot
Dhuv roddli dukhanni
Bhurgeaponich sukh tichem ghelem ubot

Avoicho mog mennunk na
Zolm ghetla teach disak sompleli
Bapaiche uben vaddtana
Nistur zhuzan noxibachi pontti paloili

Fullachi ek pakli ti
Khellnni* hatanuch astana onath* zalem
Pakotte naslolem suknnem tem
Bapaiche hatak dorun fuddem chollchem aslem

Bhoxttailole zhuzache varean
Sonvsarak chearui konxeani vedo ghatla
Bhurgeamchem palnnem* soddun
Avoi-bapui; marekar hatariam ghevn zhuzunk gela

Oxem dista! Niropradi bhurgeank
Xantin jievnk ditolo konnuch zolmonk na!
Fullteli novi ankhri
Pisulteleanchi nitt kortolo konnuch jivo urunk na!

Lino B. Dourado

khellnni-toys
onath-orphan
palnnem-cradle

KONNACHI CHOLI TUM ?

KONNACHI CHOLI TUM?

Patang zavn tuje sorxim uddun pavtam
Ponov ghevn bhirankul lharamcher upevunk lagtam
Dhimbio zorovn vorixtt ghat-porvot choddtam
Sang mhaka tum khoim ravta tuje lagim ietam.

Bap’pa tujo xetkamti…?
mogacho nangor ghalum-ia
Render aslear….
maddache kovlean bosun sur kaddum-ia
Dhorji tor….
burak poddil’le kopddeank xinvun marum-ia
Karvi bapui…?
rampnni ghalun masli dorum-ia

Voizachi choli….?
‘injection’ xikunk ekdom sompem
Bandpavidhy-achi* dhuv…?
ximit nastana ghor bandunk zatelem
Vokilachem cheddum…?
fotti ulovnk poilea zagear urtelem
Ani Rajkarnni-chi* pori…?
porjeak luttpachem bapai lagchean xiklem astelem

Sang mhaka
Konnachi choli tum?

Lino B. Dourado
(Utordd’ddekar-Kuwait)

*Bandpavidya-Architecture
*Rajkanni-politician

Tednam ani Atam

Tednam ani Atam

TEDNAM

Tednam ami
Lhan bhurgim
Tum mai
Hanv pai
Ugtea mollant
Khell khelltalim
Khelltam khelltam
Vhodd zalim
Uprant ami
Matxe matxe
Lojunk laglim
Lojtam lojtam
Mogan poddlim

ATAM

Atam ami
Kazar zalim
Bhair angnant
Khell soddun
Bond khuddant
Dar dhampun
Ghov bhail
Zavn ami
Khellot ravlim
Koslem vizmit
Tum mai
Hanv pai
Khorench mugo
Zalich zalim




Lino B. Dourado
(Utodd’dekar-Q8)
libado23s53@yahoo.com

UDKAM

Udkam



Thor ambea zhaddachem
Fator mokun zhoddoilem
Modem chirlem
Don ordham kelem

Thoddem mitt,
Ek torni mirsang
Thora bhitor bhorlem
Dara khaxik dorun
Chur korun chiddovlem

Thorak lagli mitt-tiksan
Ghans ghetlo ruchin-gostan
Purai thor chablem dantan
Arre baba, ago baie…
Udkam ailim tumchea tonddan?

Lino B. Dourado
(Utodd’ddekar)

CHEKLELI VATT

CHUKLELI VATT

Dakoun tunvem
Ghodd ghodd as
Paieam sorxim rokoun
Bhangar motieam ras
Logn zaupachi
Dhiun fottikiri bhas
Kiteak jinnek moje
Tunvem dile tras?

Rupak tujea
Bul'lim aum
Utrank tujeam
Ful'lim aum
Pollun ailim
Soddun gaum
Kusveantlea ballak
Ditlo mhun tum tujem naum

Kuddichea dhondeak
Addun soddlem
Kalliz mojem
Kiteak toddlem
Mogan bandil'lem ghor
Chor, loforank laun foddlem
Sukhan ximpil'lem zadd
Vadoll tufan eun moddlem

Vaitt rosto tunvem
Maka dakoun
Jivitan mojea
Boro soeg chukoun
Fottkiro mog
Hea kallzant rokoun
Khoxi aslear puro
Maka dukoun

Hi chukleli vatt
Aum cholta atam
Tujem kortubanchem chitr
Monant niallttam
Atmghat korunk
Paul fuddem ghaltam
Pun tujea bhurgeak polletoch
Aum fattim vollttam

Ghaie hea kallzache
Konnak dakoum
Chounam he kuddichim
Sang koxim pekoum
Sopnelelim sopnam
Khuimsor rokoum
Noxibachi gaddi
Koxi chukoum?

Logn zaun
Tuka choli zalear
Mogan poddun
Konnacheai fattlean ghelear
Maka ghoddlam
Toxem tikai ghoddlear
Chuk aplich mhun vollkunk
Astoloi tum toear?


- Cypriano Fernandes (Riyadh, K. S. A.)

-He koviten aum eke choliechem chitr tumchea mukar dakounk sodtam
ki koxe porim ti fottkirea mogachea pagerak sampddun hea bazarant
pauli ti anink ticho fottkiro mogui tika hea bazarant pavoun tika
ankvarponnar avoi korun ti koxi apli "CHUKLELI VATT" tankta ti.

------

ASSA MAKA UGDDAS....

ASSA MAKA UGDDAS....



Assa maka ugddas.....
Mainche unttien
Bosun oso
Tonddan ghalun bott
Maink bogor bogor
Usko mozo
Topastali pott

Kuum-kuum korta
Khonkli marta
Cheddeak zaleat dont
Ratcho nidant
Hang kaddtta
Ornita dant-vontt

Ah! Hang taplam
Zor aila
Cheddeak zalea dixtt
Dixttikanink
Apoun add go
Tokler unvllai mitt

Tel laun
Navoun pusun
Kori goro paklo
Marun hangar
Pauddor boro
Poleak kallo tiklo

Ratcho nidonk
Toear zainam
Mhunnoi etle kole
Koleanchem naum
Aikotokoch
Rokddech dample dolle

Jevinam zalear
Kanvlleak apoii
ieo re kankam
ghe re kankam
Motte pottacho mono etolo
Vortolo borun sakam

Kitlem rosall
Kitlem movall
Mojem bhurgeapon
Kitlei lak duddu dilear
Portem addun maka
Ditlo konn?


- Cypriano Fernandes (Riyadh, K.S.A.)