LONDONKAR NOURO

LONDONKAR NOURO




London-ak than ailo Julius Caesar
Avoi-bapain evjilem taka korunk kazar,
Disandis soiriko ienvk lagleo darar,
Magta ti vost-doth dinvk oklelim toiar.



Fatt-fuddo pollenastana kazar zalem,
Nouro Londonkar mhonn cheddum ful’lem
Avoi-bapainui pollounk na fatt-fuddem,
Sukea-soit oleim lakudd lasun ghatlem.



Lognachi rat sarunk tim Honeymoon-ak gelim,
Moujen lognachem sukh chakunk toiar zalim
Khoxechea nadar fuddari sopnam sopnelim
Char vonttim modim eka-mekak revoddlim.



Vonttak-vont lavn kiss tim ghetana
Mogachea nadar eka-mekak poxetana,
Londonkarachem “wig” ailem oklechea hatan,
Bhievn cheddvan kilonch marli nettan.



Vaddlolem cheddum moddlolea ghorak mhonn’ni khori
Soirike velar avoi-bapain choukoxi keli na puri,
Kazar ek paottichem, vost nhoi ti ek bazari
Na tor sasnnak tuttonk paota ekvottachi dori.



- Anthony Correia Pienkar
Pilerne, Goa/ Kuwait
E-mail: pienkar@hotmail.com

GHINEANNAMCHO DIVO

GHINEANNAMCHO DIVO



Astanam Ami
Bhurge Lhan
Maim Pain
Ghalun Eskolan,
Kele Amkam
Teacherichea Hatan…


Sukh Zalem Khobar
Disbhor Lissanv
Homework Kitloch Ditali
Teacher Ti Pemsanv,
Rag Tokler Mari
Aikolearuch Tichem Nanv…


Homework Korinam Tor
Teacherik Rag Chodtalo
Headmaster Maink Vo Paik
Apounk Dhadtalo,
Tednam Eskolant Tossoch
Gharai Mar Podtalo…


Sonvarachem Eskol
Borem Distalem
Aitarachem Zaitem
Khellonk Melltalem,
Somarak Portun Vochunk
Kalliz Dukhamnim Rodtalem…


Ami Lhan Astanam
Eskolacho Valor Gomonam
Teacher Sangta Tem
Ami Kanar Dourinam,
Eskol Ani Teacher
Dista Sogllem Fokannam....


Kitlo Tokos Gheun
Teacher Amkam Xinkoita
Tichea Ghiniannan
Amchem Ghinnian Vadoita,
Teacher Mhuntlear Uzvadd,
Sounsarant Chollonk Rosto Dakoita…


Dhesacho President Vo Konnuim To Zanv
Tache Fattlean Teachericho Hatt Asta
Tiche Ami Sodanch Upkari
Tinnem Kelele Sacrifis Aiz Amkam Dista,
Teacher Ek Vati Porim Lassun
Bhurgeamcho GHINEANNAMCHO DIVO Petoita….



Boroupi/Written by: Cajetan Godinho
– soccer legend at Soor Grounds - Kuwait
http://www.goa-world.com/goa/tiatr/cajetansartwork.htm
(c) www.goa-world.com 12/09/2005

GHOR MHOJEM

GHOR MHOJEM ….


Ghor mhojem ….
Matie – fatrachem,
Char vonttichem
Manni – kambinnim vinnlolem
Ganvtti nolleanim damplolem
Lhan bolkanv aslolem
Ek dar-zonelan surngailolem
Zomnik xenn-mati kaloilolem



Jea ghorant hanv
Lhanantlo vhodd zalam
Koxtti-jivitantlean
Voir sorlam
Dukha-sukhant
Jivit orpilam
Godd-koddu onnbhavantlean
Dis-vorsam sarleant.


Jea matiechea ghorant
Jem dadosponn ani khoxalkai
Mell’lea ti atam
Terrace-chea ghorant mellona
Kalchea ghorant
Petrola divo zollon
Ghorak uzvadd fankartalo
Aiz bizli aslear faleam na
Bainchem udok
Chovisui voram melltalem
Aiz noll asun, nollak udok na.


- Anthony Correia Pienkar pienkar@hotmail.com
www.goa-world.com (c) All rights reserved.

“DOULOT GOENKARANCHI”

“DOULOT GOENKARANCHI”

I

Amchem Goa xar bhorlam famad uxear muzganim
Ami music xiktanv Goeam igorjen iskolanim
Aiz Indiechea mapar musican poile ami
Bombaim film industry gazoilea Goenkaranim

Chorus

Ugddas astolo sabar vorsam pattim, Bombaim Albela mhunn ek picture
laglelem
Tantun acting famad Baghwanan kelelem, punn music Goenkaranim
gazoilelem
Tem svadik music Goenkaran boroilelem, dekun Albela picture nanv
zoddunk pavlelem
Amchea Chic-Chocletan music tem ghatlelem, punn lokan nanv C.
Ramchandrak dilelem

II

Vhodd-vhodd musician Goenkarank ditat vhodd man
Mhunttat music assam mhunn Goenkaranchea rogtan
Aiz Laxmikant-Pyarelal asat Director zavn
Ekleak xikoila amchea Anthony Gonsalvesan

Chorus

Oi music ek doulot Goenkaranchi, thoddeank khobor nam eka uxear
muzgachi
Tannem soglleank vollok dovorlea apnnanchi, zoddun xebaski Nirmonn,
Amchea Noxibachi
To dis-rat filmank music boroupi, tannem xeva keli kitleanch
directoranchi
Ghevn mozot amchea Frank Fernandachi, aiz famad zalem Kalyanji-Anandji

III

Aslet dog music director tantlo eklo melo
Shanker-Jaikishan mhuttlear konnui voukotalo
Tanchem music borem mhunn lok kantaram mhunttalo
Punn tancho sogllo vavr Goenkar Sebastian kortalo

Chorus

Ami Goenkar sodanch ugttea monanche, ami kuskeaponn soddun konnaichem soboita
Ami amche Goenche Mandde-Dekhnneo ghalun, aiz kitlimxim Hindi pikcheram gazoita
Punn filmanche director hem sogllem visron, Goenkar bebde mhunnon
filmanim dakoita
Ami uxear mhunn filmanim vazoupak apoita, punn ami uxear mhunn
podd’ddeacher dakounk lipoita

From Dom’s antique shelf!

P.S. It was the title of this song that inspired my ‘ganv-bhav’, the renowned Konkani novel writer, Bonaventure D’Pietro, to write his 12th novel titled “SONGIT – Doulot Goenkaranchi!”

Moi-mogan,
Domnic Fernandes
Anjuna/Dhahran, KSA
www.goa-world.com/goa/music/

The One Who is only mine

The One Who is only mine
- Diogo Fernandes (Raia)


When I say, my father or mother:
They are mine too, says my brother;
Are they only yours? Says my sister;
Our parents, finally we say together.

Yes, the same parents gave us birth,
And made us valuable persons on this earth.
Their restless efforts and love equally to impart,
They play in our life, a marvelous part.

Even when I say, my brothers:
My brothers, say the others;
Say sisters they are not just yours;
Right to say, they are ours.

My children, I say often,
But my wife says, my children.
Unnecessarily why to create discussion;
Our children, we say all of a sudden.

Whom I select as mine even in line:
They say, they are not just thine.
But there is only one who is only mine,
Towards whom I will always incline.

Mine is my wife, you be sure,
Our love in our hearts endure.
Always mine and not yours,
No one can ever say ours.

Children of two parents we both,
With sincere hearts we drew forth,
And unitedly gave our loving oath,
Never to leave each other henceforth.

Near me she Stands

Near me she Stands
- Diogo Fernandes (Raia)


I saw something as if twinkling very far,
Which was looking just like a moving star,
But as it looked coming towards me and reaching near,
It appeared that it was a lady, white spotlessly clear.

She was dressed in a white long sleeved gown,
Head garlanded with a very white flowery crown,
Hanging a white veil from head to feet down,
As if a queen, coming proudly from a town.

She had white gloves too on both her hands,
As white shoes on her feet with shinning ends;
Holding a nice bouquet near me she stands
All in white, towards me, she gently bends.

As her veil was floating, made he face to hide,
I couldn’t recognize though familiar was her stride,
But when she brushed the veil from her face aside,
Hey, happy to see! She was my lost wife dressed as a bride.

She spoke to me…, very sweetly for a while,
And gave her lovely hand to me with a broad smile,
And said, goodbye, and turned aside with agile,
And disappeared before I could reconcile.

When I came into my senses and regained my memory,
I felt that I was alone in my dormitory,
Resting on my bed after a day’s work very weary,
And recollected what was seen was a reverie.

Bharoti Ami

Bharoti Ami


Devak mandpi,
Nidhormi
Kosleach bhed-bhavank
Advarni aslolo
Kaiboro Bharot des amcho!

“Soglle Bharoti ami
Ieka-melale,
Bhav-bhoinni”
Hi amchi protidnea,
Asli tori moga adnea
Thoddeank zavn gelea
Tondda purti
Ucharpachi rit.

“Apunn apnnank
Ani Dev somestank” mhonnpi,
Apleanch pollevpi
Kitle hon svarti
Sokoil’leank chidd’dun
Unch ravonk sodhpi apunn.
Nastana peleachi prithi
Asom-iet hankam desbhokti?

Zat-katinchea bhed-bhavan bhonvpi,
Dhorm-bhed posravpi
Ani vorg-bhed rechpi
Magir dusreank bottam dakhovn
Uchambollai nirmann korpi
Ani nispapeank zogddeank ghalun

Apunn kuxin ravpi:
“Menddream rupan landdge-kole”,
Hech nhoi te
Somaz-ghatki
Ani desdrohi?

- Diogo Fernandes (Raia)

Xanti Hatier Za Bhava

Xanti Hatier Za Bhava



Zor somaza pasot, tuka
Borem kainch korunk naka
Tum vaittui kainch korinaka
Punn dusreankui korunk
Addkolleo haddinaka
Ani somazacho dusman zavn
Kosloleant loll’tolo kiddo,
Tum zainaka.

Ugddea ani soroll,
Nazuk mona mollar
Durgam-adde ubharun
Tujea bhavache hok mostun
Oddchonnencho kantto,
Tum zainaka.

Kallzantleo vegllocharacheo
Vontteo moddun
Ekvottacho pul bandun
Ani moga sombond vaddovn
Zanti hatier za bhava.

Ghoracheo vontteo matr
Uddoinaka moddun,
Kiteak tantunt ravun
Sonvsar tozo cholouncho asa
Punn vonttim modhem
Svartak ani ragak matr
Vatt dovrinaka.

Kiteak svartan toiar kel’lo
Raga bomb ghalun
Nisonttonnacho uzo vonkhun
Ghor tujem;
Ek moga mondir, lhasun,
Ekvottacho ghorabo tuzo foddun
Sonvsar bhor ximpddainaka.

Kiteak hantlech protek veokti
Ek dis, veg-vegllea molar vavrun,
Dhakounk zonn ekleachi xeokti
Toch raga uzo ghevun,
Sobitaien Devan nettoilolo
Ani sudharlo sonvsar ho
Oronnem korun soddit, bhava!


- Diogo Fernandes (Raia)

Chora Hatant Torluk

Chora Hatant Torluk



Aicho amcho rajki unedvar
To fuleancho amdar/khasdar
Zaloch magir to duddvankar;
Sorkaruch aiz dhondeacho bazar.

Venchnnukek ubho ravtolea umedvarak
Tikett ditana pollenant tachea xikpak/xilak
Aslear puro duddu and tonddan chalaik
Cholta, to tea zageak zalear pasun nalaik.

Xikxonnachem taka kainch zom’na tori
To zata xikxonn motri,
Kaideancho zanniv naslo tori
To zata kaideam montri.

Onbhov nasleleanchea hatant sorkar dilear
Des koso pavot udorgotichea margar!
Toxeanch chorak tizorechi chavi patielear
Kiteak upkarot tizori sambhall’lear!

Chora hatant torluk divun polleunchem,
Bhattkarak luskonn zaina narlanchem,
Hem aslem mhunn’nem amchea purvozanchem
Punn aichea kallar, bhattuch gelem mhunn somzonchem.


- Diogo Fernandes (Raia)

Novo Bharot Bhandcho Asa !!

Novo Bharot Bhandcho Asa !!
- Diogo Fernandes (Raia)


Xur, suotontr soinika,
Desak mellovnk suttka
Jivachi tuvem keli beporva,
Kuttumbachi-i kelina porva;
Kuddir sonsun hukumxaie chabkam,
Bonnkonnint sarlim vorsam,
Kitlexech zannamni variolem rogot
Desache suotontrae pasot,
Monar sonsun bhorpur tann
Kitleamni soddlona zait prann!

Desache suttke uprant
Amchea suotontr desant
Khubxea suttke zuzareamni
Deskarbhar gheun aplea hatamni
Dis-rat apleo tokleo zorovn
Promannikponnan vavr korun
Desachi udorghot kel’li asa.

Punn suotantr soinika,
Aiz konnui kortat tuchi bhumika,
Zal’lea porim te suttke zuzari
Tumi astana suttke odhikari,
Te zaun asat sondi-sadhu
Svotontrae follam kortat koddu
Tantlech zaun amdar khasdar
Pavle montripoddachea panvddear
Choddxe tantle zaleat pottie raza.
Punn tankam nivddun diloli porza;
Goribantli zali odhik lachar
Ani girestantli, odhik girest savkar.

Kalljidar, suotontr soinika,
Deask melloitana suttka
Inglez-purtugezank dhanvddaitana,
Tum tor kosoch bielona
Zalear aminch nivddun haddlolea
Hea protinidhiank amchea,
Tum aiz moneamni polleta,
Te choloitat astona ghoir karbhar
Zal’lea porim tanchich malmat’ta ?
Desant cholta astona lokxae sorkar!

Bollvont, suotontr soinika
Tukach sangonxem dista mhaka,
Tunch ghe mhunn fuddakar
Soronk ami-i mukhar;
Protek obhimani nagrik
Ani zavnk somajik soinik
Kiteak sot’techo durupeog kortoleank
Sodrevele denvoichi goroz asa
Desachi orthik girestkai pokortoleank
Koddok khast lanvchi asa
Somaz-konttokamadd zuzchem asa
Zokat chorancher guri galchi asa
Broxttachara add kranti korchi asa
Kallo-bazar nattak korcho asa
Margaiecher allabond haddcho asa
Goribi samkich sompoichi asa
Puri surokxa ani nit melloupachi asa
Ani amchea desache progoti vatt
Oddchonichea kantteamni zalea datt
Ti amin teagamni soroll korchi asa
Ani khori svontontrai
Toxich xudh lokxai
Amim melloupachi asa
Ani NOVO BHAROT BHANDCHO ASA.


Xur - Courageous
Snotontr Soinik - Freedom Fighter
Hukumxai - Dictatorship
Tann - Tension
Promanikponn - Honesty
Udorghot - Progress
Bhumika - Action, to take part, to act
Pottie (Ghillgo) - Epicure (One who is choice & dainty in eating and drinking
Protinidhi - Representative
Malmetta - Property
Allabond - Control
Bollvont - Valiant
Fuddakar - Initiate
Obhiman - Respect
Somajik - Social
Sotta - Power
Drupeog - Misuse
Orthik - Economical
Somaz Konttok - Antisocial
Zokatchor - Smuggler

Porki Amcho Bhes

Porki Amcho Bhes



Amchea desbhoktamni
Tea mahan mon’xamni
Aple jinnencho
Korun teag
Porki zulumxaecheo
Toddleo sankhlleo
Ani svotontr kelo
Amcho Bharot des.
Punn heach amchea
Svontontr desant
Lokxaechea rajeant
Des bhavddanchea hatant
Porki zala amcho bhes.
Protek rajki fuddari,
Zanv to magir
Gorib vo girest
Venchnnukam vellar
To gorib-dektteancho
Avddi umedvar
Punn nivoddtokuch
Girest – motteamlo
To amdar/khasdar.
Aplea ud’dear
Choddlea nontor
Visorta dil’lem utor
Thoim gavta dekhun taka
Duddvan khonn,
Ti khonddonk naka
Pikas nhoi gonn,
Duddvam netar
Ani sot’teachea bollar
Mon’xaponn visorta
Ho soitanalo dolal
Doveachem kallem korta
Ani goribamle korta alaval
Na taka maya
Na ili tori doea
Na khoro neai
Na surokxea-i
Sogloch goir vevhar;
Fulta kallo bezar
Ugteponnim chalu broxttachar
Kaide fokot kagdar
Broxttachari sasai;
Hi choddti margai,
Goribamli khata gottai
Desak haddta oskotai
Pokrun orthik girestkai.
Kaideacho kortana bhong
To dita taka boltoch rong
Konnankui iena zaunk dubhau
Ani apunn zata sau,
Dusrea venchnnukam velar
Mavna zait mhonn motam adhar.
Sodrer aslolo
Sorkaruch tor tagelo
Ani ailoloch sorkar
Tor oxench korit ravlo
Broxttacharamm boxttailolo
Bharot des amcho
Kednam xudh’ zat’lo
Ani labh svotontraiecho
Soglleank ek sarkho
Kednam gavtolo ?


- Diogo Fernandes (Raia)

Krist Jaianti

Krist Jaianti



Rat ti kallokhi
Ani thonddgar hinvalli
Hinvacher niontronn haddunk,
Porza aplea ghoramni,
Dharam-zonelam dhampun
Apleak porvoddttelea angostramni
Jivak aplea ubh ghetali.

Punn, Juze ani Mari
Beleant aslim tea dias,
Ugttea zagear, mollba khala,
Asro gheunk naslo,
Thoim tharavik suvat,
Sarunk ti hinvalli rat.

Hannavoleo tea disa,
Asleo mhonn bhorun chikar,
Jezen and Marien
Marlem protekalea darar,
Zoim aslim ghoram sabar,
Protekan ugoddlem dar,
Polleunk konn aila to bhair,
Polleun Jezek and Mariek
Tanchea dara mukhar,
Dhamplem aplea kallza dar,
Diunchea bodla moga ievkar,
Tanche gorje velar.

Portilim tankam tannim,
Nam mhonn sangun zago,
Diunk tankam asro
Tanchea ghorant.



Tori-I tim ubghoulim nant,
Konnacher ragarui zalim nant,
Oxim tin ravlim cholot
Zago sodhchea pasot
Ani pavlim okosmat
Ieka eksurea zagear
Zoim asro ghetali mon’zat.

Thoim tannim kelem,
Thikann aplem
Nasun anik dusro apai.
Jea vellar aplea ghoramni,
Sust nhidun also monis zat,
Xekim ti kalloukhi rat,
Sompot vetali mat-mat
Ani dusrea disak
Jedna niktich zal’li survat,
Tedna Ball-Jezu
Thoim zolmota
Tea monzatim modhekat,
Khaltikaiecho dhoddo diunk
Amkam soglleank.

- Diogo Fernandes (Raia)

Tum Ani Hanv

Tum ani Hanv


Tum ani Hanv
Dogaim ami
Mevleanv tea disa
Kallzan ami
Ugoddlim iek-mekak
Kallzamni riglo visvas
Dili iek-mekak bhas
Ani bhandlim donuim kallzam
Deva mukhar
Galun moga bandpas,
Hanv zalom tuzo
Ani tum zalem mhojem,
Mhojem tem tujem
Ani tujem tem mhojem
Amchea kallzancho khas
Kelo ami khol obheas
Hanv xiklom tuka
Ani tum xiklem mhaka
Mon mhojem ani tujem
Zorii iennem tennem danvtolem
Tori khorea moga sokten
Ani moipasa dojen
Oddon eilem ekuch vatten.
Chintop mhojem ani tujem zori veg-vegllem aslem
Tori somjikaie hatiaran
Tem-i zaunk laglem ekuch torem
Toddench, sobhav
Zori tujeant nasle
Tosle mhojeant asle
Ani mhojeant nasle, Tosle tujeant asle
Dekhun tuje-mhoje sobhav
Melloin ami purn kele
Ani amchea jivita voddem
Moga somdirant
Kednnach sompoddlem na tufanank.


- Diogo Fernandes (Raia)

Aslear ani Naslear

Aslear ani Naslear



Sangtolo aslear
Ani aikoto naslear
Sangonk sodhtolo
Konnank sangtolo ?
Ulounk jib astana
Kallzantle otrek
Hodd’deant gusmuttun dovortolo.
Sangonk sodhtoleak zai
Aikon ghetolo
Aikotolo aslear
Ani sangtolo naslear
Aikonk sodhtolo
Khoinchem aikotolo ?
Aikunk sodh’toleak zai
Sangonk fuddem sortolo!

Ditolo aslear
Ani ghetolo naslear
Diunk sodhtolo
Konnank ditolo?
Kalliz asonuim
Apli itsa koxi bagoitolo?
Diunk sodhtoleak zai
Khoxem ghetolo
Ghetolo aslear
Ani ditolo naslear
Ghevunk anvddetolo
Khoinchem ghetolo?
Hat-paim asonuim
Babddo zavn bostolo
Ghevunk sodhtleank zai
Mogan ditolo !


- Diogo Fernandes (Raia)

Korxeat Kitem ?

Korxeat Kitem ?



Virodhi fuddareamni
Ekttaim ievn, Kongres-I-k harovchem
Kam tumchem asa borem
Kiteak duxtt fuddareank
Ani hud’dear nalaik thorloleank
Zanv magir te, khoinchea pokxantle
Sodrer kiteak dovorche ?
Punn hanche poilim sangxeat tumi
Oxench ekttaim ievn
Virodheamni Kongresik haroun
Vixex kitem kel’lam ?

Tedos ekttoulolean modem
Ani atam ekttounk soddoleam soven
Forok asa tor koslo ?
Te ani tumi tor
Ekuch malle-munnem !
Zalear hachea fuddem
Tumi ani vhoddlomxem
Korxeat kitem ?

- Diogo Fernandes (Raia)

Somzun Ghevunk Proitn Kor

Somzun Ghevunk Proitn Kor


Konneim tuka kiteim mhollem zalear
Ani tachea, ulovpant tuka dukhlem zalear
Ten’na tujea monant utpon zal’le vichar
Ekan-ek spoxtt kor tancheach mukhar
Oxem kelear konnunch marchonam tuka gollar
Ullot, xabaski zoddtolo subhemazar.

Soglem monant dovrun, revxi ragan
Ani sade, goxttink tum divxi kan,
Kan tuje korun ek kanddpachem van
Kan vonttink legun zatle ten’na
Ani tum zalear legun vhodd vo mhan
Konn-konnank divcho nam abru, man.

Chintunk, tuka, asa mhonn meklleponn
Kaichea kai chintun utpon korinaka vaittponn
Ani rigoinaka tujea kallzant dusmanponn
Chintun gunthun morar hoddinaka kudd’ddeponn,
Vibaddunk, dinaka tumche bitorlem xant vatavoronn,
Vavur sambhallunk sogleam modhem boreponn
Ani dakhoi tujea giniananchem xanneponn.

Eka-meka modhem zait tor, somoz ghor,
Ten’na somzunk proitn korinaslear hache voir
Ghorant tujeazounk pavtolo kusko koir,
To zhaddunk tuka ten’na aschem nam dhoir
Ani bhezo tuzo zatlo soir-bhoir.

Tujea sukhant konnui gheta to vantto
Zal’lea porim tujeach kallzacho ek fantto
Punn tujea dukhant poisavta naka mhonn tontto,
Ugddas dhor, to mhonn; motlobi motto
Ani monan ekdomunch monis khotto,
Dekhun patienaka, ornun dhor tuje zoddicho santto
Nan tor dukhoinastana to topit tuka kantto.

- Diogo Fernandes (Raia)

Movall Godd Utor

Movall Godd Utor



Mon tujem
Asum di soroll
Dhakkoun tujem
Hanstem mukhamoll,
Kalliz tujem
Korinaka nibor
Dhi mhaka tujem
Ek tori mogall
Ani movall...
Godd utor,
Hanv aikunk astana.


Mhojea mornna uprant
Mhaka vakhanddun
Ani vilapamni roddun
Jiv naslolo
Ani tonddgar zal’le
Mhoje kuddir
Dukhancho pavs
Tuvem rokhoilolea poros.


Dhi Mhaka
Kalliz tujem
Zorii rogta-masachem
Torii kolponentlean
Ani moga umallean
Zanv di tem
Fulam zhaddam-mollo
Zoim khoxen fultat
Ani fulchim asat
Fulem torekvar

Tor aizuch
Di mhaka
Ek tantlem
Moipasa-ful
Tachea promollan
Jivit mhojem
Zanvdi gul’l.


Ful dinaslear
Dhi mhaka tantuntlo
Ek tori konvllo
Moga-mhonvan bhorlelo,
Fula-kollo
Hanv astana jivo
Palovlea uprant
Mhojea jivita-divo
Addenchim fulam
Mhojea fonddar
Tuvem dovorlolo poros!...



- Diogo Fernandes (Raia)

Dhi Mhaka

Dhi Mhaka



Tujem kallzant thanv
Sutt’ttolo protek baf,
Utram zavn
Jibeveleon sutt’ttana,
Suttom dhi faf
Ani monantlean
Mogachea chomotkaran
Ekttaim korun,
Kor utram-bhoro
Ani dhi mhaka to
Zal’le porim
Ek fulam turo;
Pormollan boro
Khorelea fulam von to
Mhaka vorto puro zaunk.
Hanv hanga astana
Mhojea paianr ubo.
Hanv melea uprant
Hozaramni pormolltim fulam
Mhoje mel’le kuddir
Tuven ghatlolo poros.


- Diogo Fernandes (Raia)

Zati ?

Zati ?


Soglim mon’xam,
Devali rochna,
Ani ekuch avoi-bapailem
Bhurgim astana
Kedna tori
Ek dis
Jedna monam tanchim
Gondoll’lim,
Tednachean
Tanchea tonddantlean
Suttunk lagleo
Kherit-kherit bhaso
Ani oxim
Ek dis
Ap-aple bhaxcher adharun
Ek-ek pongodd korun
Ani pongdaa-pongodd,
Kuxin-kuxin koddsorun
Sonvsarachim panchui konsddam

Kaddlim bhorun.
Konn zolmolim
Katin kallim
Konn zalim gorim,
Asun zaiteank
Sundor rup
Ani konn kurup,
Veg-veglle asle tori
Mon’xachea rogta “group“
Tacho rong mat ekuch
Toxech sogle
Kuddi sandhei
Hadda masan ekuch
Dadlo ani ostori
Tor donuch !
Mon’xaleo zati,
Zalear koxeo zanv eit,
Brahmann vo bamonn, chadd’di
Kunnbi, vellip vo gavddi

Vanni, sudir, naik,
Bamonn naik
Ubho bamonn,
Addvo bamonn,
Desai, bamonn-dessai,
Nayak, naik-desai,
Chamar, mhar,
Xett vo sonar, kamar,
Kumbhar, kansar,
Podder, render vo banddari,
Gonvlli, dhon’gar-gnvlli,
Kharvi vo pagi,
Moddvol vo dhobi, bhonghi,
Thovoi; gonvddi,
Ani mhalo adi,
Heo mon’xaleo zati ?
Eka voizacho cheddo
Voizaponn xiklea, xivai
Voz zi nozo !

Tosoch chamaracho cheddo
Chamarponn kelea xivai
Taka chamar mhonum nozo
Aplea bapailo vevsoi
Put tor soddun dita purai
Ani apleak gheta
Boltoch dhondo-kam
Zalear, hantunt spoxtt zata
Ap-aplea vavran
Jem vevsaint melloit’lem
Protek sthan
Tem zanv asa
Vebsaia nanv
Ani mhoi mon’xali zat


- Diogo Fernandes (Raia)

Vatt Khupuch lamb

Vatt Khupuch lamb



Kallkhi rat
Ievchi asa
Khubxi vatt
Cholchi asa,

Kallkhi rat
Vechi asa
Cholpak survat
Korchi asa.

Mollob kalleantlean
Dislem tambddem-nillem
Ailem dekhun fantem
Rup suriachem prokaslem.

Chol’lom hanv
Suriachea unetan
Thoklom hanv.

Atam zali sanz
Mot mhoji zali vanz!
Mon sangta thamb, thamb...
Vatt khupuch lamb.

Torii chol’lom hanv
Sompounk ulil’li vatt
Punn tharlom hanv
Oskotaie ieun rat.


- Diogo Fernandes (Raia)

Monisponnacho Kaido

Monisponnacho Kaido


Ontoskornant tujea sor bhitor
Tukach tum prosn kor
Vavurla zalear tum dusrea pasot
Vavronk tannem tujea pasot.

Tuvem kainch korunk nam taka !
Tor khoincho odhikar tuka
Tuvem xinnunk taka?
Kainch korunk nam mhonn tuka

Tujean korunk zatalem ten’na
Kainch tuvem kelem nam
Tem tori chintlam tuvem ken’na?
Mhonnttoch ragan ravchi goroz nam.

Tum konnankui akantak pavla zalear
Adhar tuzo borea monan dila zalear
To vechonam omtea kollxear
Konnui pavtolo tuka gorje vellar.

Tuvem dila zalear adhar tuka
Tannem dilonam mhonn aiz tuka
Taka tum xinnonaka,
Tuvem kel’lem, bad korunk sodinaka.

Boreak golloi kuddicho protek sando;
Pollenastana tuzoch faido
Kiteak ho mhoi duddu komavpa dhondo
Punn zanv asa monisponnacho kaido!

- Diogo Fernandes (Raia)

Monantle Vichar Mhoje

Monantle Vichar Mhoje



Omtan noxibachem map
Monant zalo motto poxchatap
Aili kuddik, dukin tap
Bosun kallzacher bhavnik xap
Kallzachi vaddli dhap,
Tonddak koxich suttlinam zap;

Sangtolo asa
Aikotolo nam,
Dekhun sangchem Soddlem!
Aikotolo asa
Sangtolo nam,
Zalear aikotolem kitem ?

Ditolo asa
Ghetolo nam
Mhonntoch divchem urlem !
Ghetolo asa
Ditolo nam
Tor ghetolom khoinchem !


- Diogo Fernandes (Raia)

Krist Joionti

Krist Joionti



Kallkhi ani hinvalli ti rat
Sompot vetali mat-mat
Punn Jezu ani Maria bhonvtat
Hanga-thoim soddunk suvat,
Punn astig monis ghenant aso
Diunk tankam il’loso asro.

Punn modianir okosmat,
Dusrea disak ditana survat
Ball-Jezu zolmota
Zoim asro ghetali mon’zat.

Boddveamni teach vellar
Nirop dilo gorvan-makhnneank
Jezu Kristachea zolmacho
Lorun avaz suadik gaionancho,
“Onod Devak sorgar
Ani borea monachea mon’xank
Sovosthkai sonvsarant”.

Tem gaion tea kallkhi sonvsarak
Ani ogeponnant vostolea tea kallak
Haddi kitli bori sobai!
Hachi rakhnnench sangot vhoddvikai,
Protek rochnek vhoddli khuxalkai
Ani mon’xakullak bhorvonxachi govai.

- Diogo Fernandes (Raia)

Dogaim Ami Ek

Dogaim Ami Ek


Ek ani ek
Zavn asat
Don xekan’xek
Ek ani ek
Zavn saa
Ekuch ek.

Tum mhollear
Hanv nhoi,
Hanv mhollear
Tum nhoi.

Tum tem tunch
Hanv to hanvuch,
Punn ami dogaim
Ailem ekttaim.

Tum ani hanv
Sangonam nanv
Ami dogaim
Monis rochna

Asun don kuddi
Punn ek zoddi.

Mhojea ain tujea hordeant
Asa kalliz ek-ek,
Bandun mogachem dor
Kalzam donui kelim ek,
Ani bandlem kallzant
Visvasachem ek ghor.

Mhoje toklent
Ani tuje toklent
Asa bhezo ek-ek
Visvasachea kallza-ghorant
Mogachea mondirant
Dogainchim monam-i kelim ek.

- Diogo Fernandes (Raia)

Khorem tench Khorem Korchem !

Khorem tench Khorem Korchem !




Venchnnukam vellar amche desache fuddari
Zanv to dadlo vo zanv ti ek ostori
Zanv to porsul’lo vo zanv to ek xezari
Sangtat, zatele mhonn amche adhari
Podver pavtoch vell mellonam aikonk tokrari
Tum zaunk pavler sud’dam bhikari
Aplim bolsam bhorpachi chlta tanchi toiari
Desant amchea vaddli tori bekari
Lonch dilea xivai mello nozo tuka nokri !
Sangtele amche unchle Sorkari odhikari :
Pottak amchea khatle zalear favo titli bhakri
Zoddkar mhunnta, pavnam apli mozuri
Khannam pinneam vostu vaddoit asat vepari.
Keli astona visvasan malkachi chakri
Pogar vaddounk porvoddnam mhonnttat malok vepari

Malka lagin pogar vaddounk maglo astona
To kosoch aikunk toiar asonam
Durso kosloch upai nam ten’na
Kam’dar sompar vetle mhunn kolloilem astona
Torui to rabtat maglelem dinastana
Malok mhunnta, tum kamak rabtana
Kitli mozuri divchi kel’le ti tum zanna !
Punn aiz so, tum mhunntta pagar pavonam ?
Kam’dar mhonntta apleak kamak dovorla ten’na
Tujea malachi dor asli titlich keteak urlinam ?
To mhonntta, mal toiar zavpi vostu sovai mellnant
Dekhun malacheo doro toxeoch dovrunk goddonant
Toxem zalear kamdarancho pogar vadoicho disonam ?
Ten’na kam’dar aplea hokam passot kiteak zhogoddchonam ?

Malok korunk sodta aplem tem khorem
Kamdarank zai aplem zalelem borem
Mhonnttoch malka-kamdaram modem patt’ta zhogddem
Ten’na Sorkaran ogich rabon chovpachem ?
Konnanchem khorem ani konnachem khottem tem
Pollovpachem kam’ amchea Sorkarachem
Konnanchech vatten nhoi oddpachem
Khorem tench khorem korchem
Zavn asa magnnem protek kamdarachem.


- Diogo Fernandes (Raia)

Mahatma Gandhi

Mahatma Gandhi


Zannvaiechem ani movall tujim utram,
Hinch tujim bolladik hotiaram,
Vaprinastana dharu-gulleanchim xostram
Chotraien manddun tim tujim sutram.
Desak amchea haddli suotontrtai !

Porkeam add chollvollent vantto gheun
Tujeach totvamni cholun
Khubxea desbhoktamni koxttavun
Zaiteamni aplea jivachi boli kurun.
Desak amchea haddli suotontrtai !

Sompli porkeanchi zulumxai
Somponk nasli zativadachi pisai
Ani barik-motto hanche modli loddai
Guspagondhllant poddloleank ditana somjikai
Jinn tuji sompoili, zativadeeank zavn nosai.

Desachea fuddareamni vorsan voros
Tuji joionti pallchea poros
Korun, desbhor, motti-motti porob,
Tujea totvamni pavlam marunk goroz
Tan’na soglem nittaier ieat sohoz.

- Diogo Fernandes (Raia)

VETLOM EKDAM

VETLOM EKDAM



Mona ! mhoje motik
Ghalinaka addkollik
Zaunk promanik
Vavr mhozo somajik.

Jivit mhojem korunk teagi
Asam hanv raji
Mona, girestkai tuji
Tich zaun asa mhoji.

Girestkai nhoi bhangarachi
Nhoi suddam motianchi,
Punn tancheavon vorte kimtichi
Girestkai ti mhojea kallzachi;

Soimbachem mhojem diaz
Aizuch ani aiz
Vanttunk hanvem
Mona, sor fuddem.

Kallzak divun thonddai
Bejeak mhojea nttai,
Kalliz mhojem zaunk udar
Gorjevontank diunk adar.

Zoso hanv ail’lom
Tosoch hanv vet’lom
Goddte, atanch atam
Punn ekdam.

Ekdam hanv gelom zalear
Soddun ho sonvsar,
Eunk mellcchmna
Dusredam

- Diogo Fernandes (Raia)

Mog ani Bhavponn

Mog ani Bhavponn



Konneim tuka kitem-i mhonttlem zalear
Tanchea ulovpant tuka dukhlem zalear
Ugodd tujem mon teach vellar
Konnuch tuka marcho na gollar.

Sodean goxttinim sud’dam divxi kan
Zal’lea pirim ek voddlem khol van
Tednam vonttink legun zatele kan
Ain konn-konnank divchona man.

Chintunk asa mhunn tuka meklleponn
Kaicheakai chintun rigoi naka kuskeponn
Chintun-guntun vaddoinaka dusmanponn
Punn vavur samballunk mog ain bhavponn.

Ekameka modem zait, somoz, ghoir
Vell lagchona bhezo tuzo zaunk soir-bhoir
Ani gharant tuzea zatolo bhorpur kusko koir,
To zaddunk tuka zavchona dhoir.

Tuje khoxealkaent konnui gheta to vantto
Ani oddchonnint pois ravta naka mhunn tontto
To ghevun bhonvta motlobponnancho bavtto
Tednam patienaka, ornundhor tuje zoddicho santto.


- Diogo Fernandes (Raia)

25vi Dezembrachi

25vi Dezembrachi



Invall rat ti 24 tarkhechi sompli
25 vi Dezambrachi nigtich udeli
Avchit ontrollim Boddveanchi zap sadouli
Ti gorvan – raknneank nirop haddtali

“Davidachea xharant, Belem ganvant
Ball – Jezu zolmola gorvan – gotteant
Falliamnim guttlaun nhidaila tonnant
To monxakullcho Soddvonndar” aila sonvs’rant

Gorvan rakhnneamnim aikolem teach velar
Sorgim boddveanchem suadik kantar
“Onad Devak sorgar, ain sonvsarachea pattar
Borea monachea mon’xank sovostkai.”

Tem gaian kalkhi sonvsarak haddi sobhai !
Tech gorvan – rakhnne sangot vhoddvikai
Pratek rochnenk kedi khuxalkai !
Ani mon’xakullak bhorvonxeachi govai.


- Diogo Fernandes (Raia)

Mati

Mati



Hozar mannkam-motiam ani her dhatu…
-Zhaddam, mon’zati ani zontu,
Akhrek mon’xachi kudd poreant
Matiechi rochli Devan.

Duddu ani soglo orov sud’dam,
Mon’xagele vidichem iontram
Ek dis, Devagelea formonnan
Bodoltolim matient.

Ekuch matiecheo sogleangeleo kuddi,
Tor khoinchi aili ontor zatichi !
Bhamonn, chadd’di, sudir ani gavddi...
Mon’xageli boddai nennarponnachi !

Dadlo-bail donuch Devageleo zati
Ginean axil’leo mon’zati…
Gorvan fuloinaka xati
Mortoch kuddik khata mati.

Akho sonvsar mhonnge mati matiechi
Manddavoll Devageli zannvaiechi !
Sonvsarantlem soglem, matientlem matiek
Ekuch mon’xacho otmo Deva mukhar zoddtek.


- Diogo Fernandes (Raia)

KONN ZAIT TI....?

KONN ZAIT TI....?



Konn zait ti ostori ?
Mogall ostori sonvsarantli
Tika sor korunk nan dusri,
Nam tor korat khatri !

Zanv gorib vo girest
Hanv dukhoulear ti-i dukhest
Sukhi aslear ti-i zata sukhest
Tika ollkhunk nhoi sonkest

Hanv zalear legun ticher beiman
Ti mozo mog korta visvasan
Tinnench haddlo mhaka uzvaddant
Ticho mog korunk hench karan !

Ti ostori konn ixtta mhojea ?
Kalliz mhojem oddonk mogak tichea
Ti zaun asa mhoji MAI khaxea
Jinnem vhaddoilo mhaka dudan aplea


- Diogo Fernandes (Raia)

MORTOLO EKDAM

MORTOLO EKDAM



Ixtta, vaur kor sobhecho
Tuka man astolo porjecho
Ek dis paloutolo jivita-divo
Ugddas urtolo sasnnak jivo

‘Kallzant than mog kor peleacho’
Visronaka ho upodes Kristacho
Nam tor sovostkai tuka aschinam
Thonddai tujea otmeak mellchinam

Vaur korunk soddanch borem
Atanch sandd kortub vaittovem
Morn tujer eitlem ekdam
Ten’na kainch korunk ghoddchenem

Sodanch urchonam sonvsarant
Mortolo ekdam, lollnaka patkant
Atanch borem adar, magir soeg nant
Kam’ korunk purem, zauchemnam uprant.

- Diogo Fernandes (Raia)

VAURADDEANCHO IXTT, NOMAN TUKA

VAURADDEANCHO IXTT, NOMAN TUKA



Vauraddeancho IXTT, noman tuka
Vaddis tuzo, khoxealkai bogta maka
Veta thuimsor tujem naum porzollta
Videxi porian tuzo vaur vakanddta.

Ixtt sogleancho, nuim konnanchoch dusman,
Iotnan vavurloi konkanink addunk man,
Itiasint konkanim potranchea, tuka abinam,
Inam, tujea karbareank, diuncho Devan.

Xashtr-likita pirmannem tun cholta,
Xantikai, uchamboll zateleank dita,
Xiddkaitai vankddea rostean cholteleank,
Xitoll tujim boroupam urba addta vachpeank.

Tum dispottem potr amkam zololem zai,
Tuka vachunk vachpi axen rautai,
Tuji, adormeank goddie zata nosai,
Tuka aiz somestanchi asa maniotai.

Tuzo zolmancho gaum Margaum-ant
Toddoch khall rauloi Racholant,
Tum PILAR riglear zalim 19 vorsam
Tum ascho sounsarant, sodam sorvotam


- Diogo Fernandes (Raia)

TUKA VICHAR

TUKA VICHAR



Konknni Bhas! Goenkarancho bandpas,
Zaiteamnim chidduank ghetle tras;
Somplena, vapuddtat zaite upai,
Xekim, sotavinn, nirfoll koslich govai!

Hozarannim vorsam sorlim, sortat
Sogle Goenkar Konknni uloitat;
Kitle somple Konknni uloinnar
Pumm tanchech put az nant zagear!

“Konknni naka! Zai Maratthi”
Oxeo thodde martat bobo, - ueli
Ghora vetat heo gheun budhi
Punn, ghorchinch somzonant – ti bhas porki!

Bhava tuka dukh bhogna ?
Ontoskorn toddunk kotthin lagna ?
Avoik sanddunk kakut disna ?
Sog lench anglem tuka sobhna!

- Diogo Fernandes (Raia)

Monxeacho Otmo Moladik

Monxeacho Otmo Moladik


Ailem metienlem bangar diamante…
Zaddam, suknim ani sogleo monzati.
Matiechi rochli Devan kudd monxeachi.
Akho sounsar vortouta mati matiechi.

Duddu pasun zateli mati dornichi
Kiteak upkarot gireskai sounsarachi.
Jinsavar toranchim iantram dekun soglim
Ek dis matient bodoltelint

Kiteak upkartat teo zati-kati
Sounsarantlem soglem matiek khalti
Munisui mortoch zata mati khuddichi
Mortoch sounsarar soglech mati matiechi

Ekuch monxeaho otmo ki moladik
Otmo udta dourun sounsarant kuddik
Gheun barabor apleoch korneo lagta vattek
Ani veta Deva mukar zottek

Urlelem soglem matient zata nopoit
Otmoch matiecher vorta zoit
Hem zoit kiteak upkarot ?
Zor tor otmo emkonddant lasot !

- Diogo Fernandes (Raia)

Ekvott Munxeakullacho - by Late SANNY DE QUEPEM

EKVOTT MUNXEAKULLACHO


I

Munxeakul rochun Devan, pap adarlem poi evan,
tea uprant odruxtt ximpodlem sounsarak.
Zongli passun ektaim zaun, fator bodio athan gheun,
zogodtale eka mekachea adarak.
Apli jin jivi dourunk, comnudadik borem korunk,
aplo jiu riskar galun rautale pareak.
Aichea somazan, apsuwarthi onodan, aplech comnudadik.
Voron marta sareak.


CHORUS

Sounsari poilem zuzh zatoch, odruxtt amche nodrek etoch,
League of Nations 1919 vorsa godli.
Sounsari nasavam modem, aslelem chiklachem kodem,
hem kodem saph korunk augodh asli vodli.
Nasavam ektaim zaun tim, borem vomplem tanim bim,
Amerikak bair dourun chukh tanim adarli.
League of Nations khala podlem, sounsari dusrem zuzh zalem,
1945 vorsa UN rochun adli.

II

Sounsaran zome vegle, the vavurta sogle,
boreponn polounk munxea kulachem.
UNICEF eddo pongodh, sounsaran sogleam vhon vhod,
sounsaran boreponn axeta burgeanchem.
World Health Organization, zuzta duence-anchem commotion,
hem khatem zaun assa amche bolaikechem.
Zomhe kitle ani, poletat tumi, sogot vavurta borepon
polounk nirbaghi munxeachem..


CHORUS

Lech Valesa Polandacho, dhir adar tho kamdarancho,
communism passun tanem kobar kelem.
Edea vodlea tachea vavrak, naum fankarlem sounsarak,
kortub Pap Saiban passun tachem vakandlem.
George Fernandes tho Indiecho, tedna Union Leader Railwaycho,
Railway strike korun konfusao kelem vodlem.
Sogleak Railway keli bondh, montreanchem bondh kelem tondh,
Nehru serkar passun tedna gaborlem.


III


Indiek sutka diupi Gandhi, azadichi dilli sondhi,
aiz raj karbar podlam choranchea athani.
Rane Digamber Parrikar, boltench ulloun amchea mukar,
Marathi Kannad adunk sodta marun konkani.
Jack Sequeira vavurlo, Opinion Poll jikoilo,
sangh osle leader khuim assa ani.
Ami goemkar, vhoradh goemkar, amchem ghor amchean
sambaunk zaina athan getlam chorani.

CHORUS


Kitleo sounsta amkam dista, potrancherui ami vachta,
pun aiz passun goemkar ekvotit-nam ixtta..
Aiz xinkopui amkam asson, konxeank keteak assaum boson,
goribahem borem korunk kon zaiit vavurta.
Thode leader xinclele, padh budhini picklele,
boro vaur korcho sodun uzo petoita.
Boro leader tum zaxi, borem kortub adarxi,
melea uprant passun somaz upkar atoita.
MGP Congress zaum BJP, Goemkarank galun topi,
Goemchi zomin bailea lokak vinkunk vavurta.



Lyrics Composed By Sanny De Quepem.
(Cruz Sanny Vaz)


- This song was sung by SANNY on the same day (9th November 2007)
at a Goan event in Kuwait (just a few hours before death snatched
him away from this planet).

PISSOLIM

PISSOLIM


Rajki mollavele
Montreache kodelik
Charam bodlek
Tinuch khur
Aslole zalear
Aiz je amche
Montri ani amdar
Kodeli khatir
Dis-rat zogoddtat
Hea pokxantle
Dusrea pokxant
Vetat toxe mat
Zogddonk pavche nasle …

*************
chuli khatir
tin fator vapuddtat,
tea tinui
fatram sarko
ghott ani bolixtt
ekvott asa titlo
anink konnakuch
sor korunk zaina
Jinsanvar rongacho soro
Torekvar nanvacho soro,
Batlent bhiradd korta
Sogott soreachi avodd kortat
Aple anvddicho soro pietat
Pun soteche batlek mat
Kam zalem mhonnttoch visortat!
Hech toren goth
Eke baile – cheddvachi
Dadlo – cheddo rokddoch
Tanchea rupak bhulta
Monan vaitt chintnam golloita
Mevlolea vellacho
Te faido ghetat
Apleachi ast bhagtoch
Tankam soddun vetat. !!!

*********

Igorje bhair ubhim ravun
Tim bhavarteank vati
Ani fulam jhele khopoitat
Pun tim apunn mat
Kedna Igorjent vochun
Vati pettoinant …
Fulam jhele ghalinant…



Anthony Correia Pienkar
Pilerne - Goa / Kuwait .
E-mail: pienkar@hotmail.com

Nimnno Ievkar?

Nimnno Ievkar?



Ieat babu ieat dhexi tourist mama,
Goa tumkam un-unit ievkar dita
Tumchea Rajeant choddxo sovai na
Itlo hangasor soro mellta.


Konnem tori mahiti dilea
Goenchea kinnarer mouz, mouza
Tornneo ostoreo gareo katicheo
Dove renver nagdeo nidhta.


Goenchea cheddvamchim mottvim nhessnam
Tumchea Rajeant fokot lamb gagre nhesstat
Vidhexi tourist bikini-n, ugttim zangddam
Tem pollevnk tumche dolle axettat.


Goenchea fenniechea poilea ghonttar
Umedhin dorieant udki ghetat
Mouzen nachttana soreachea nadar
Uchamboll lharam somdirant vhortat.


Dusrea disa Goenchea disalear
Dhexi chear tourist buddhun mele
Sumar naslele kumar moujek ail’le
Sovnsarak bye-bye korun gele......



Lino B. Dourado
(Utodd’ddekar)
www.goa-world.com/goa/poems

Noman Konkani Palkachea Razamchea Raza-nk

Noman Konkani Palkachea Razamchea Raza-nk
- A Tribute to the Kings of Kings of the Konkani Stage



1

Bhangaracho avaz tuzo, amkam portun kednanch aikonk meuchonam
Suadik ghirest utramnim vinlelim tujim kantaram, kanar amchea sadounchinam
Tum palkar ubo rautogoch, palkachi sobitai vhadtali, to dekhavo portun amkam dischonam
Tuzo zago palkar sodanch rito urtolo, konnamcheanuch bhorunk zaumchonam.

Tujim kantaram aikotoch, mortali amchea kannamchi tan anik bhuk
Duensak sampdon mornan tuka ghiraslo, konkani mogiank zali dukh
Donia sorguimchem raz taka favo kor, bhogsun kosli zalea zalear chukh
Tum zaun aslo konkani palkacho Raza, Goemkaramchem sukh.

Kantorist titloch ghirest partist, tiatr anik songit buroupi, tiatrist tum unche dorjecho
Kednanch guntunk zaumchonam jhelo, tujea hozara voir kantaramcho
Itiasant poili konkani cassette anik musical show dakoun, maan zodlo tuvem soglleamcho
Alfred Rose, 'Melody King' kantoristamchea mollar, tum RAZA RAZAMCHO…


2


Festachea disa ganvchea bhurgeamcho tiatr astalo, tum soiro kolakar koso, soglleamchea tiatranim nestalo
Tiatr suro zalo khoro, pun soglo lok tujich vatt polleat rautalo
Tujea fiat motoracho avaz aikotoch, feuneom ghalun,
fogotteo laun tuka eukar ditalo
Tujem ek comedy anik decent kantar aikotoch, soglo lok dadoxi zatalo


Manuel Aguiar zalo 'M.Boyer', zodtogoch eka English film actorachem tuvem nanv
Tuje tiatr pollounk lok uppotteo ghali, marun etale danv
Porva kelinam tuje bolaikechi, mhattarponnar passun palkak veng marun raulo,
xebaski dita tuka goemcho ganv
Atamchea tiatristank tum zaun asa, ek vhodlem lissanv.


Voznadik anik riti dekhivont tiatr 'Ekuch Rosto', 'Sounsar Sudorlo',
molladik vaur tuzo Soglleamchea tonddar khelltat tuje suadik cant,
toxoch ugddass eta Goemche convent, tujea kantaracho
Huxear comedian, kantorist, partist, tiatrist tum soglleamchea mogacho
M.Boyer tiatramchea mollar, tum khoddegant tiatr buroinar RAZA RAZAMCHO…



3


Tatristamchem painnem, sobit Benaulim ganvant tum zolmolo
Ph.D. xinkop korun, sadem uloun, sadem nesson, sadeponnan tum jielo
Zomnir tan stagir haddun, khelltiatrank tuvem atvoch rosto dakoilo
Tuvem palkar kelelim tore torechim vizmitam polloun, konkani sounsar dipkoulo.

Kitlem ghirest tujem buroup, konnuch amkam palkar disonk nam, tea panvdear paulolo
Khoreanuch tum Goemcho 'Shakespeare', dusro Rosario amkam kuimsor meutolo
Cancer piddechea ujeant lastanam passun, tuvem tuzo vaur chalo dorlolo
Anikui palkar zaitim noulam korunk, monant tum chintun aslolo

Auchituch dori tuntli, tujea jivitacho 'Patang' varear ubonk laglolo
'Ekech Ratri', 'Ami Fator' zale, konkani palkacho buddhivont 'Surya',
mornamchea doriant buddon, 'Uzvadd Paloulo'
'Thank You Doctor', tuzo molladik vaur sodanch amchea kallzant urtolo
Rosario Rodrigues khelltiatristamchea mollar, tum RAZA RAZAMCHO…

4

Bombaimchi Hindi film industry voir kadlea, Goemchea huxear muzgamnim
Tannim kelolo molladik vaur, sangon khobar korunk zainam sade utramnim
Tantlo famad musician Chris Perry, amchi Konkani bhas voir dovorlea, music buroun bhangarachea solphanim
Aiz tum amche modem nam, tujem suadik music anik kantaram aikon, dukham bhortat dolleanim


Kitle zannank tuvem tujea music anik kantaramnim, nachoile anik hanssoile
Sopnant aslelea porim amkam, kednam kongotte anik kednaim, lisboa pavoile
Songittachea sounsarant, tuvem zaite zannank nove nove roste dhakoile
16 vorsamchi divli asli, 'Bai Lornank' porzollit noketr korun, Konkani mogiank tumi dipkaile


Zaite music director sangtat, tum mhun music director unche dorjecho
Ek famad maestro mhunta, tum zaun aslo mhunon 'Maestro – Maestromcho'
Khoreanuch tum vortolo musician, soglea goemkaramche avddecho
Chris Perry songittachea mollar, tum RAZA RAZAMCHO…



Boroupi/Written by:
Cajetan Godinho – soccer legend at Soor Grounds - Kuwait
(c) www.goa-world.com 22/12/2004
www.goa-world.com/goa/tiatr&tiatrist/

SANGIL'LEM TUKA

KONKANI KOVITA: SANGIL'LEM TUKA

Mhojea darak
addambo na
Kedna-i bhitor
sorunk zata

Ponn atam!

Bhitor etna
darar avaz ghal
Mhoje sangata
konnui asum eta

Suria udenti thavn
ostomtea vatharant pavlo
Tuji vatt polloit
kiteak ravum?

Vorixtt somdirant
jinsavar masli
Tujich kiteak
axea korum?


- Lino B. Dourado

SOPNAM

Konkani Kovita

S O P N A M




Chinta, chinta deklim sopnam
Uloita, uloita zalim ojeapam
Danvta, danvta ugodleo vatto
Kinna, kinnat godleo godneo

Pollen, pollen dollo vovlo
Cholta, cholta dis portolo
Pavon, ravon veoll somplo
Toruim okhond ravlo ubo

Kosle axek to axelo?.
Vota gormen gam golloilo
Polloun taka surya kakutlo
Surya kirnani savoll dilo

Ojeapancho marun varo
Hatan podlo fula turo
Surya budon chondrim udelo
Toruim andlo darant ubo

Dissachim taka noketra disli
Suryan aplim kirnam dampli
Godd, godd nastana zogla marli
Dova ximpnean kordam ful'lim.

Varear ubon ghara bhandli
Renve ghara lharani modli
Toruim monat sopnam kupxim
Jivim korunk sadnam jinnechi.



Boroupi:- Mariano Lucas Diniz
http://www.goa-world.com/goa/konkani/

BOROITA TEM MAT PATOK......

BOROITA TEM MAT PATOK......



Ukhol’lem pen, laglo borounk.
Magir boroupa fattlo hetu nhoi mhonn ud’dexui nam.
Nam moriadichem bhann, nam moriadichi loz-pez. Kitem boroilem?
Kiteim tori boroilem!!! Magir tem burxem boroup zalem mhonn kitem zalem?
Omkea duensak omkem okhod dinvchem, toxem burxea boroupa borobor boupean vachpeank patkacho ul’lekh korun diuncho, ani aple zababdarentlean mukt zalo mhonn somzop chukichem.

Patka vixim ontor korpa itli budh samanea mon’xak asta.
Taka tache vixim zanniv korun diupachi goroz asonam. Punn hem zalem samanea mon’xachem. Zalear, apli budh ghannak dovorleleachem kitem? Tachea gineanar uzvadda ghalpacho konnem? Ani koso?
Sogllea vellar ami osleank porxim sangonk xokonanv, tedna boroup korun ani amcho nirop vachpeam meren pavouk xoktanv. Mhozo nirop hanv “boroupa” vixim boroun vachpeam meren pavounk sodhtam - odik korun “borounk zai mhonn boroitat’ tanche meren.

“Boroup” mhonnlem ki ukhol’lem pen laglo borounk mhonnllear zaina. Ani, ukhol’lem pen laglo borounk mhonnlear boroupi-i zaina. Punn boroupi koso zaupacho hacher boroupacho mhozo aiz hetu nam. Punn, boroup koxem aschem hacher mhojem mot hanv mandunk sodhtam. Jibek asa titlich dhar pen-ak asa. Jib jitlem borem vo vaitt korunk xokta, titleach mapan boropui korta. Dekhun boroitana boroupean aplea boroupacher khup dhean diunk zai. Aplea boroupachea eka-eka utracher lokx diunk zai. Tonddantlean borem utor bhair sorchem toxem boroupantlea utrachem ek-ek mannik boroun ieunk zai. Borem boroupa khaitr ami amchea monant toxe mannkam bhaxen vichar rigounk zai. Bore vichar rigounk ami borem vachop korunk zai.
Borea vicharanchem vachop boroinnaran vachpeank diunk zai. Burxem nhoi. Monant bore vichar aslear boroupeachem boropui tech dixentlean zata. Jivitachim muleam
boroupui tech nodrentlean zata. Jivitachim muleam boroupi vachpeank vanttunk xokta.

Vaitt vicharancho boroinnar vachpeancher koslo uzvadd ghaltolo? Oslea vaitt vicharancho boroinnar kosle dive laitolo?

Borem boroupi monis aplea boroupank lagon dusreacher vaitt probhav ghalunk xokonam. Borem boroupi monis aplea boroupak lagon dusreachem jivit chukiche dixentlean vochpak apunn karann zaunk xokonam; vachpeachea monant burxim chintnam bhorsunk xokonam. Dekhun vachpeache apleacher xirapui oddun haddunk xokonam.

Dusreak vaitt korunk xokonaslolo monis borench adharta. Soglleak borench fankarta. Hachich tor aiz soglleak goroz asa. Patkacho vixoi koddek dovrun ami borem vistarpacho proitn korunk zai. Burxem boroup sobheo mon’xak sobonam. Amche toklent ami jem bhortanv tench amchea tonddantlean bhair sorta. Monant hollxigavnne vichar bhorlear penantlean motiam koxim vhanvtelim? Hollxiguch vhanvteli nhoi? Mhonntoch, hollxiganvnnea boroupi mon’xak ami kitem mhonnpachem?

Fast Pen
(V-Ixtt www.v-ixtt.com)

(Name unknown)

Tuji Vatt Polletana ani Tuji vatt poit....

Tuji Vatt Polletana



Dis uzvaddcho aslo
Vellar uzvaddlo
Punn tuka mat
Vellachem mhotv
Gomunk na
Ani oxe toren
Amchi bhett chukli

Vorsam sorlim
Ek-mekak visorlim
Tum khoim?
Hanv khoim?
Monantlim pois zalim
Punn kallzant
Poddleli gantt
Ti mat toxich ulli.

Aichea disalear
Dukhest pannar
Tujo fottu pollelo
Avoi-bapaichem
Bhav-bhoinnichim
Nanvam vachlim
Punn ghorkar-achem
Nanv naslem

Falleam hench disalem
Kuttumbachea nanvan
Mhojo fottu chaptelem
Ghorkann-ichem nanv
Koxem melltelem?
Jedna hanv tujich vatt
Pollet aslom

- Lino B. Dourado



HEA KOVITA-k ZABAB


Tuji vatt poit �..

Mogachea khinnak
eili sfurti
vellachea kantteanim
chukoili goddi
niraxi umalleanim
tharleo voddi

Dukhi dolleanim
Sodlo tukam:
ek pautt
vollon poit tum?
Maka bhettunk
porot eit tum?

Dis mhoineak
Futtlim pakam
Bhuimechea pottar
Pavsacheo zhori
Jivit zalem guirann
Korpoli torni komri

Dis uzvaddcho assa
Uzvaddtolo�
Vellachem mhotv
gomlam makam�

Amchi bhett
Zatli atam
Vellak nakam zoit.
Tujea margar
Adinch pauleam
Tuji vatt poit �..

..... Gracy Morais
Augusto / Gracy / Adela / Gaynelle Morais
Ribandar-Goa (Kuwait)
http://www.goa-world.com/goa/konkani/


Live Konkani Music
The first 24 hour live Konkani Music station, 365 days of the year. Classic songs from Goa, which will bring back memories while you sip on your glass of feni. Song from Lorna, Chris Perry, Remo and popular Goan Masala's can be heard. (click here)

KAVLLO RODDTTA TEDNA

KAVLLO RODDTA TEDNA



Fantoddear ghorar roddot tor kavllo
Mhonntat, aiz jerul konn tori soiro iet'lo
Sot zata, soiro pavta, lagsilo na tor poisilo
Xevttak, chitt tori ghevn ietlo 'postman' ghavantlo

Kavllean, eka Xen'varak ghorar ghatlo bovall
Nhidonk divnk na pidd’dear suttiecho sokall
Kavllea, udon voch re khorench tum mogall
Dusre pavtt ailear xasvot kortolom ghaieal

Juneacho mhoino, pavsa adoll-modd suntil'lem
Konn eklem poisil'lean pavsan bizon ietlem pollelem
Langim pavtta-pavtta taka pollevn kalliz korkorlem
Xallent xiktana premi' pustokak matxem xirkovlelem

Ticho vistid pavsan bizon angar bosla chitkon
Zoglavnem marlem tedna dolle tiche gele dipkon
Godgodachea avazan mhoje golleak veng marli bivon
Kavllea mhojea mama, oxoch sodanch ieo re roddon

Bizlole kopdde boldi korpak tika poratlem
Novem kalsanv-kumis addun tichea mhorean udoilem
Tinem dolle pitpittavn dolleanche pitkulean bodbodlem
Bhitorleo bi mustaiki bizloleo asat tanchem korchem kitem?


Lino B. Dourado

Vell To Sanjecho - Anthony Correia Pienkar

VELL TO SANJECHO ….

Vell to sanjecho …..
Sukhacho-sontosacho,
Khoxecho-movjecho,
Gavpacho – uddpacho
Firpacho – nachpacho.

Vell to sanjecho ….
Dorai – veller bhonvpacho,
Xitoll-udkan navpacho,
Movall songit aikopacho,
Thondd-xitoll vareacho,
Sukhnnim-savzam gavpacho.

Vell to sanjecho ….
Suria darer poddpacho,
Kamdar ghora portopacho
Jivak visov ghevpacho,
Kuttombantlo vangddi ekttovpacho
Ters-rozar korpacho

Vell to sanjecho ….
Doria deger uzvadd foleracho,
Kharvi rosto dhorta ghorcho
Ghorant boball bhurgeancho
Ghotteant avaz gorvancho
Rostear uzvadd bizlecho
Xetkari ghontt gheta soreacho.

Konkani Bhas Internet-ar Fankarta - Anthony Correia Pienkar

KONKANI BHAS
INTERNET-AR FANKARTA


INTERNET-AR, her bhasam sangatak Konkani Bhas porzollta
Noxib Goenkaranchem, punn tinch MAIM BHAS ulounk lozta,
Tim, Konkani bhas uloilear, apleak unneponn bhogta mhonnta
Eklo Goenkar, dusrea Goenkarak mevlear, Inglez bhas tasta,
Ruchik ani movall amchi bhas, porki zaun tichi opurbai korta
Nesoun ghatlear razachi, goribachean kedna raza zanv – ieta?
Ekvott na zaun, amchea aminch, amkam ani bhaxek chepun dovorta,
Tornatteanom, susegad Goenkaranom, bhaxechi-seva korumia na tor kotta!

&

Computer mhollear aiz bhurgeank khellpachi baulli dista
Oi avoi-bapui, bhurgeanchi umed polloun monantlean khoxi zata,
Mon lavn tornattim, vaitt vesnank lagon aplo fuddar pisuddta
Poddon vaitt tallnen, ani noxttea chitranim tim vaitt rosto cholta
Uchamboll zala sonvsar, sukea borobor voleim lhason veta,
Tuji bail mhaka, mhozo ghov tuka, e-mail-an eka – mekak fottoita
Ekvottachi ghorabeachi dhori, aiz hakach lagon tuttonk pauta
Rochnara Bapa, tum amchea tornatteank samball, hat zoddun magta.


pienkar@hotmail.com
____________
Links: http://www.goa-world.com/goa/tiatr&tiatrist/
http://www.tskk.org
http://www.goa-world.com/goa/kantaram
http://www.goa-world.com/goa/music/

"BOSIR OXEM GHODDTA" - by late Souza Boy

"BOSIR OXEM GHODDTA" - by late Souza Boy


I
Pattim Natalanchea festak, bail-bhurgeank ghevn bhair sorlolom ghora vochonk
Ponnje prasar pavtokoch bosir choddlim punn zago naslolo bosonk
Pattlea daraxim ravon eklo fuddem voch mhunno punn vatt nasleli fuddem ghusonk
Bosin lokak poilear distalem chiklan mani ghatleat kusonk

Chorus
Bhor, bhor, bhor – koxei bhortat, bhorpachem soddnam, kitlei bhorlear, pott tanchem bhornam
Kuchu-kuchu korun, pattim-fuddem geta, bos prasachi bhair kaddnnam
Pois, ravon, eklo fir-fir korta, pirluk marta, to avaz tacho konn kanar geinam
Mhaka dista to soiro tancho dekun kainch tankam mhunn’nnam

II
Bhava choltannam-bhonvtannam voklek-bailek bori korun samballun vorxi
Punn chukon kednaim bosonk mevonam te bosin bhitor sorxi
Thuim ghoddta tem povn ragan nodor lanvchi poddta orxi
Ani bebde aslear kortat poi tem sangpachem nhoi xi-xi

Chorus
Bail mhunntta konn fattlean tenkla, kitem kortolo taka hanvenui dekla
Hanv ghov punn bailek moje boltoch ievn pankla
To sarkoch, khoxen bhoron, khoxechea bharar Pilar denvpacho denvonk chukla
Agxe pavtoch Pilar denvoi mhunn bob marunk lagla

III
Kednaim vatten choltannam cheddvank matxe touch zait tor chedde
Rokddinch ‘idiot fellow’ mhunn ragan poitat vankdde korun sondde
Thuim tim bosin pavtoch kitem poitoloi te god’den soglleanche lundde
Tednam kaim sozmonam konnanche potien cheptat te undde

Chorus
Avoi, ghe, konn fattlean lot’ta, fuddlean dot’ta,
brake martoch, voilean poddta
Tea vogtar konn konnank ‘idiot fellow’ mhunntta
Bos, matxe, khonddkean poddlear,
kitem zait ghoddta, kach korun, hath voddun soddtta
Don stop’pam mhull’llear, full checking korun soddtta

(From Dom’s antique shelf)

Moi-mogan,
Domnic Fernandes
Anjuna/Dhahran, KSA
jyodom@hotmail.com
http://www.goa-world.com/goa/tiatr/

Title Song " NRI " from the Album of the same name

Title Song " NRI " from the Album of the same name
by Sanny de Quepem


I
Ami zolman goemkar, pun Nagrik Indie-che,
Pordhes-an amkam mhunta NRI.
Xinkop England-ak kelem, sirvis Africa-k keli,
Vhoi toch tho Mahatma Gandhi Indie-cho pai.

Ami pordhes-an kadta trass, pun te disson-dissonam
Kiteak Delhi valeam-chea dollear ailea sai.
Te mhunta koslie sirvis kor, gorjek dusrea-kui tum chor,
Amkam fokott tuji Foreign Currency zai.


Chorus.
Goem tan NRI deligasao-am Gulf-ak ailim,
Sanglem tumchea borea khatir hanga ailea ami.
Hea pordhes-an itle khoxtt kadlele mhunon tumi,
Mozbutt Indiechi zalea economy.

Poilo ailo Dotor Willy anik kitle-ch xhani,
Tea uprant bhirem ghevun ailo vodil Chandrakant Keni.
Churchill, Sardhine, Tomazin, Ferrell – Neri hevun ghelim,
borvonso dilo kainch korunk-nam tanim.

II

Edward Faleiro Delhi, Parikar – Rane Goem,
Hankam kitle pauti ami zagoile.
Herculan Gulf tour-ak ailo, ixttam familikui meulo,
Kuwaitkar-ank fotti sangon gall amche fugoile.

NRI-ank Goem dhondo, korunk souloth diath mhunon,
Amchea sangnea-nim tanche kann gazoile.
Serkar-an amchi budh ghevun,
Goem-chi zomin porkeank dhivun,
Dissa uzvadd-an Goemkar-ank nagoile.

Chorus.

NRI-anchim bhurguim pordhes-an xinkop korun,
Fudlem xinkop korunk Goem college-ini veta.
Tumkam NRI-ank fokot amche don-uch seat assa,
Hem aikon bhurguim Mai-pai niraxi zata.
Medical Engineering college-ini nodor mara,
Montreank poixe dhivun bailim bhurguim Goem xinkop gheta.
Ami NRI account-an duddu dovorla tachoi,
faido bailo lokh amchea khustar khata.


III

Herculan Dourado ailo, NRI-ani eukar dilo,
Gorzo sangonk ghelle Kuwait Dubai goemkar.
Air India kortub-am sanglim,
College seat vadoum-cheak maglim,
toxech Goemkar-anche halh boroun dille booker.

Ektaim zaun bhoini toxe bhau, athan dille file-inche dau,
Goa Assemblin amcheo gorzo ghallunk mukar.
Soglem visorta pautoch Goem, jem sanglelem hanvem tumvem,
Aiz tioch faili sodtat Ulhâs Kamath-achea mezar.


Chorus.

Koslie NRI-anchi khobor potrar xapon eta,
Goem NRI website assa, konxeak bosoileli.
Tie website-icho upeog sogleank melchea khatir,
Kuwait NRI-ani modoth basaileli.

Tech porim ami ekvott-an sogot Goemkar-anim,
Rane serkara thaim assa Romi Lippi magleli.
Goem-chea serkara tujem pavl tum, chotrai-en fudem ghall,
Goem-chi porza assa zagouleli.


Lyrics Composed by: Sanny De Quepem
(Cruz Sanny Vaz)


- Forwarded by www.goa-world.com

In Memory of SANNY DE QUEPEM (Cruz Sanny Vaz)

Ho mhozo lekh mhojea sompil'lea sorgest ixtt-ak omor ugddsak

Dukhachi Zhor Vhanvli "Dukham" Polletanam

Toddea vella adim tuje thaim hanson ani moskoreanim uloilolea mon’xachi eka zogllavnnea porim dukhest mornanchi khobor fona velean tujea kannar poddli zalear tuka kitlo xok’k zatlo? Hat -payank kullkullo sunttlea virek ravchonam.

“Atanch aslolo monis atanch nam zata” him chaltim utram khub pavtti hanvem aikolelim, punn tim khoreaninch hanvem onnbhovchim aslim mhonn mhoje ixtt ani bore dekhnnar Bab Cruz Sanny Vaz (Sanny de Quepem) hanchea okosmat kallzachea attakan zal’lea mornann hanvem chaklim mhonn vhodd dukhin sangun dista.

Kuwait Goa Day sonskruttik khariavollint nimnno machier gaitanam kaddlelem chitr
(Fottukar bab Rewon Gomes)

Kalchea Sunkrarak Novembarachea 9ver 2007, don vorsam uprant porot ekdam Gõykarancho Ekvottachea bhautte khalla “Goa Day’ Kuwait-an monovpan ailo. Tech disa donparchea vellar mhaka anek kodden amontron aslelem punn hanvem kaim dis fattim amchea familichea mon’xank ‘Goa Day’ vochpachem utor dilelean bhov manadik mon’xam vangdda jevonn korcheak mhaka zomlem nam.

‘Goa Day’ monovpachea zagear pavtoch amchea ganvchim bhav-bhoinnim bhettlim. Khub tempan ganvchi umollxokim gozali kortanam mhoje nodrek mhoje ixtt (atam sorgest) Sanny de Quepem disle ani poisuch ravun tannem mhaka zapoilo. Tachea hatant aslelea suit pollevn ‘Goa Day’ sonskruttik khariavollin git ghaitolo mhonn, hem mhaka tachea fuddem vetoch gomlem.

“Zavn KD 5 vo KD 2 hem tikettichem dhoronn hanv pollenam. Kuwait-an konnacha-i tiatran, sonskruttik ani songit kharriavolinim hanv nheslam zalear hanvem novim kantaram gaileant, (To ek kantaram ghoddpi aslo) ani odik korun ‘Goa Day’-ak. Kiteak, amche iogdan Gõychea ekvottachea buneaddik veta dekhun.”

Kaim gavpi asat te ‘Goa Day’ sonskruttik khariavolli vellar adim tiatran gailelim gitam gaitat. Hem nodrek dovorun tache thaim hanvem vicharlelem tedna tannem voili zap dileli ti azun meren protidhvoni (echo) zavn mhojea kannar sadovta.

Kantaranim kosloi-i vixei ghevn Kuwait-che machier tannem git gailear tachem git tea disak hit zatalem. Ani hevui khepek ‘Goa Day’ somoyar “Ekvott Munxeakullacho” hem zobordost kataran ekvottachem moll kitlem ghorjechem tem sangun dilem. Anik ek ghost tannem mhojea somor ugti keleli. Gõy sankun ail’le NRI-Goa komissionar vokil Eduardo Faleiro tea disacho manacho soiro aslolo. To ani yer Gõyche protinidhi, vosreant hajir astanam apleak git gavpachi khuxi mhonn, sonskruttik kharriavoll mandil’lea programant bodoll korun, nimnnea zagear aslem aple git voir dukholchem khatir khariavolliche prokolp sôyojok, (coordinator) haka vinonti kel’li khoim. Punn toxem tem ghoddunk nam. Survatek chikar bhor lokan bhorlelea vosrean tachem git mhonnonk taka sond mell’lli nam ani oxen toren tachi nimnnim axea asli ti puru zavnk nam. Ghoddie aplem sonvsarantlem poinn lagim pavlam oxem taka poilench somzun ail’lem kai? Devuch zanam!

Zannvayen bhorlelim ani orthabhorit kantaram “Saibinicho Tisro Segred” (2005) ani N.R.I. (2007) CD-cher aikunk melltat. Somazan zatleo chukeo, teo sudravncheak pott’tidkin aplea kantaranim sondhex divn to khubuch vavurla. Khub zannank lyrics by aplem nanv dinastanam kassetir vo CD-ir gavpak, ghoddun dileant. Monamcher porinam zata toslim okhondd borovpam internet-ar uzvaddak haddleant.

Sovnsarachi nimnni yatra aplea gitantlean tanktanam?
Adeus Amigo
Ani tea disa, taka adues korun hanv mhojea ghora portolom. Angar udik ghalun lhanxem jevonn ghetlea uprant ‘Goa Day’-k vimosonn (released) zal’li Comedy Queen bai Qeurobina-chi “Dukham” VCD pollevnk boslom. VCD polletanam mhozo mobile vazlo. Bab Jacinto-cho fon aslo. Sanny-cho ghoxtt ixtt to. Thoddea vella adim ami ‘Goa Day’-k bhettleat, uloileat anik kosli goroz poddli kai haka? Oxem monantuch gunngunnun helo mhonnlem.

“Lino bab, Sanny somplo.” Vhodd dukhi avazan tannem mhaka sanglem

Mhozo svas (breath) kitloch vell bond zalo. Angachi lonv ubi zavn mhojem ang koddkoddunk laglem. Mhojem mon hi dukhi gozal svikar korpak kochench raji nam zalem. Nigtoch mhojea lagim uloilo monis dolle dampun sansnachi nid nidhlo? Atanch aslolo monis atanch nam? VCD-ir ghatleli ‘Dukham’ film bond kortanam sorollponnin mhojea dolleantlean vilapun dukham vhanvunk laglim……ani hanv kitloch vell toxoch urlom

Lino B. Dourado

Deva! Mhojea ixttak sorgincho visov divnk mhojim pranthnam tuje thaim
Hanv ani Mhoje bhorobor Goa-world.com Team somplelea amchea ixttachea familik dukhest bhuzvonn ditat.


http://www.goa-world.com/goa/poems