Monday, December 17, 2007

Dezembr 19vi Ugddasachi



Dezembr 19vi Ugddasachi


I

Dezembr 19vo dis, 1961 vorsantlo.
Amchea malgoddeank ugddas jivo
Heach disan porkeam koddlean
Gõy prant amcho svotontr zalo.

II

Zorui gore akromonn kori
Kalljidarponnan vavurle suttke zhuzari
Ghott dhorli ekvottachi dori
Porkeank kus marchi poddli

III

Nitoll asle amche Gõyche fuddari
Tinunch Montri punn karbhar samballi,
Atam chalis amdar asat tori
Kitleo zatat choryeo ani rajki maramari

IV

19 Dezembr jivo dovrunk vavrum-ia
Kel’leam tyagank mol dium-ia.
Broxttachar,svartiponn matr soddum-ia.
Gõy rakhunk vavrum-ia.


Alvaro Gomes,
Pedda Benaulim, Goa
www.v-ixtt.com

“Hello Uncle”



“Hello Uncle”



“Excuse me uncle. Ho rosto Colva veta?”
On-ollki cholien vicharlem mhaka
‘Uncle’? Ho koslo prons tinnem kela?
Hai Saiba !! Hanv mhatarom zalam ga?
Khoim tori mhoje don-chear kens piklele
Kalem korchelem kensank ghanstilem

Mhatare asle, distat nenttele
Hanvem toxem kiteak nam korchelem?
Mhaje baile sangatak bazarant cholltana
“Hi smart man. Who is this old lady?”
Mhagele sundorek tiddok choddli
Ani kens kale khorcheli xinslich toddli.


Lino B. Dourado
(Utodd’ddekar)

HANV BHOVTANAM


“HANV BHOVTANAM”


Ghavant hevten tevten bhonvtanam
Thoi dislo mhaka soglo tomaxeam
Vatt choltanam monat ailim borim axeam
Punn! Soglem vatten zalim niraxeam

Fuddem dislem Padri, Pondit anik Molla,
Soglem mhuntalem samballat ap-aplo xanti galla,
Xati daddavn mhunno,Oh!Deva, ho!Rama,Yah!Al'lah,
Toruim astanam choltalo hotea’cho halla.

Khud soirem, punn! Soglem poixeavalem,
Pidivont bhavank adhar korunk visorlem
Soirem mele, hanslem mateachem ozem unnem zalem
Hanv bhovtanam hem soglem hanvem polloilem.


- Mariano Lucas Diniz
(Palolem-Canacona/Kuwait)
http://www.goa-world.com
http://www.goa-world.com/goa/konkani/


Collection of Mariano Lucas Deniz' Konkani Poems:
http://groups.yahoo.com/group/gulf-goans/msearch?query=Mariano+Lucas+Deniz

SANG MOGRE ULOI MOGRE

SANG MOGRE ULOI MOGRE


Ollsande, mullo sangatak vaingim
Mhonnttat ailo mogrecho mogi
Mhaka pollevn hanslim poddodim
Fugddeo ghalltat nab,duddi


Nirvoleo rompeank mirsango pachvi
Guptim kobro uddid kori
Bori fanklea tambddi baji
Chinrgeank mandli amchi zodi


Varear nachtta piavachi pat
Tomatam porim mogreche gall

Longnna adim beij mellnant
Heach mhoje kallzache zall

Xetant zal’lo prem amcho
Ximpunk vhali kollxo handdir
Dhimpra voir ghagro ticho
Logn zavnk kiteak uxir?

Sogleank sanglam gorcheank mandlam
Binddul ghevn tolleant dhenvlam

Hoddou ghalun udhok bortana
Nodreak zollkolim tuntunnit kallngam
Sang mogre uloi mogre
Girop kavpak melltelim kedna?



Lino B. Dourado Goenchea Sutkea Disachim Porbim!
(Utodd’ddekar) 19/12/2006
http://www.goa-world.com/goa/poems


Pick of the day by www.goa-world.com

Gõy mhonnlear kitem?
• Chandrakant Keni
Gõykar nhidla. Sustela. Congress, MGP, BJP, UGDP hea rajki pokxan-chea kodelanchea khe-llant to ghuspola. Vach: http://www.v-ixtt.com

Ruch ietoch

Ruch ietoch



Pavsalleant nustem mellona tazem
Mellta tem Saiba mov borfantlem
Nustea viret jevonn ruchona amchem
Sundorem mhagelem zala ga pixem

Pager gheun gelom nustem pagovpak
Bailek ruch ailea tazem nustem khavpak
Kallundoram, xevtte, burantte poddle pagerak
Sundorem dhados zatelem pollevn tazem nusteak

Sasumaim, mevnno, mevnni ghorant bhitor
Pagounk ghel’lom, hankam konnem sanglem tor?
Bhitorlea kuddant sundorea fuddeant asa dotor
Bailechea kusveant poilea pavsacho hunvor.

Ruchio ietat tea pormonnem bai vo baba zatalo
Adlo onnbhovlolo lok oddmasan sangtalo
Atam rucheo ailear pagunk noko aicho dadlo
Amgher tor ruchicho poilo baba zolmololo

Lino B. Dourado
(Utodd'dekar)

BYE, BYE …TTA, TTA.…

BYE, BYE …TTA, TTA.…



Mhojea sudoll ani mogall hatanim
Tumkam hanvem mhoje vengent ghetlim
Zorui tumi mhaka pordexi mon’xam aslim
Torui tumkam mhojim bhurgim lekhlim.

Khup vorsam tumchi hanvem seva kelea
Mhoji soglli jinn tumkam bhetoilea
Gormen toxem thonddien tumkam seva dilea
Mhaka tumchea koddlean khub apurbai mell’lea

Bekar aslole tornatte mhojexim danvun aile
Borea khellpeanim aple nazuk khell dakhoile
Klubanim vorsachea – vorsa spordha ghoddle
Refri ani coach aplea kamanim porzoll'lle

Khub zannanim mhozo boro faido ghetlo
Thoddeanim zogddim korun mhaka okman kelo
Vaitt utram ulovn, rogot vharoun abru ogddailo
Mhoje upkar attounche boldek visvasghat dakhoilo

Mhoje vorvim khub zann sonvsarak fankarle
Thoddeanim aplo dhonddo korun duddu kele
Umedicho khell dakhoun lokak urber dovorle
Odhexh zaunk thoddeanim klub ghoddle.

Bhonvdder ailole Goychea tiatrist lokak bhettle
Apleo kesetti – CD vikhun kaim duddu ektaile
Goyche amdar-montri finalik " Chief Guest" zale
Thoddea Cheddvam – bailanim, cheddea-dadleank faroile

Kuwait xarant mhaka konn vollkona mhonn oxem nam
Sodanch tumchi seva korum diso punn ghoddlem nam
Tumkam sogleank soddun dusreache sevek vetanam
Dolle dukhani bhortat, hanv SOOR GROUND tumkam
Bye … bye … tta.. Ttaa … kortanam.

Anthony Correia Pienkar
Pilerne - Goa / Kuwait .

GÕYCHEA PORJECHEA XIRAPANCHO

GÕYCHEA PORJECHEA XIRAPANCHO
RAJKORNNEANCHEA GOLLEANT JHELO



Amchea Gõychea Amdar – Montreanom,
Alibaba ani chalisui choranom,
Svartha khatir ratiam Pokx bodolpi xil'leanom
Amdar – Montri zatoch kodelik zogoddteleanom.

Panch vorsank ponchvis Mukhel Montri zatoleanom
Porjechea visvasak ghat korpi visvasghatkeanom
Nivddun yenvchea adim bhik magpi bhikarareanom
Kalche bhikari aiz krorpoti zatlea nagounneanom

Gõychem ghott'tton korteleam rostadanom
Kodeliche axen ontoskorn aplem vikpeannom
Rajki molar kolvontancho khell khellpeanom
Anjeachem rup dakhoun devcharponnan jieteleanom

Kuddichea bollan goribanche golle pillpeanom
Duddvank lagon Gõy vikun kabar korteleanom
Porjechea khustar moujevont jivit sarteleanom
Kul'leam bhaxen eka-mekak voddun sokol uddoiteleanom.

Morathik lagon, Konknni bhaxek, chepunk sodhtoleanom
Jevta tech boxien thukteleam onupkareanom,
Gõychea porjechea xirapanim jietolea dolldireanom
Nak buddoun jiv diat Gõychea porjechea dusmananom.



ANTHONY CORREIA PIENKAR
Marra – Pilerne / Riggaie – Kuwait
Mobile # 6726014
http://www.goa-world.com/goa/poems

Mukticho Suria




Mukticho Suria


Surieachea kirnancho
Bhangrallo uzvadd

Zhumzhumit vareacho
Khoxal pormoll

Pavsalle matiecho
Anokho svas

Voddachea mullan
Rongachi Holi!!

Pinzrem mhojem
ugttem koxem?

Mon mhojem
Mukt koxem?

Sanklleank mhojea
mukti koxi?

Suttkecho suria
Des-ak mhojea?

Atiachar somplo
Xanticho eilo kall

Nillea molbhar fankarla
Tirangeacho gulal !



….Happy Independence Day.. Jai Hind




Gracy Morais
Ribandar – Goa ( Kuwait )
augmar28@hotmail.com
http://www.goa-world.com



Pick of the Day: 60 years of being free
http://broadband.indiatimes.com/videoshow/2282437.cms

MOZO ARSO



MOZO ARSO


Kocherint vochunk nesta astanam
Vonttir dislo maka mozo arso
Golleak ttai bandta astanam
Mozoch sobau maka dislo burso

Tokler kalle kitt' axil'le kens
Aiz poilech pautt maka disle dove
Polear kopolar barik mirio polloun
Kallzak poddle hozaranim gave

Thoddkean thoddkean kens vochun
Modinch dislo khodd'ddo toklek
Poleank poddil'leo mirio polloun
Chintlem koxem tondd dakhoum voklek?

Arxea mukar ugttem kelem tondd
Anink disle maka dant thodde
Daddio vochun poddleat bhitor khondd
Khuim ghele moje motiam sarke khodde

Iad assa, hoch arso eka kallar
Eka filmi nottacho maka dakhoii sobau
Pun toch arso hea dha vorsani
Monant mojea rigoita dubau

Itle veghim aum bodol'lom koso
Hem chintam chintam guspolom
Koso bodolta munxeacho bhes ho oso
Chintun khontinim nirxelom

Zait kai ho arso fottkiro
Ragan kaddun zomnir apttilo
Arxeacho futton zalo churo
Rag mozo arxear xeuttilo

Ragan arso foddlear oso
Sang pirai moji komi zatli
Arxear rag kaddunk hanv kitlo piso
He jinnek novi komri ietli

Arxeacho babddo koslo guneaum
Guneanvkari ho daumto kall
Mhataro tor zaunkuch zai aum
Thuinch urchenam zolmol'lem ball

Mhatarponn chintun dukhin bhorlom
Zalom mhatro kitle veghim
Gaddi chukun thuimsoruch urlom
Kon maka atam dorit laghim


Cypriano Fernandes (Riyadh, KSA)
Email:

http://www.goa-world.com/goa/konkani/