Soglech zaun asat bhag
Vorixtt vichar attpona tosle
Tanchem xarir, mhollear, soimb
Ani atomo tancho Parbrham
Anik kitem zai tuka, sang?
Niall'lear kallzak tejistkai
Osliv kovita, mhollear
Mogan svargachi vatt.
Jogant jivitanuch tum tujea
Ojeapanchi ek roinn
Vichar niallunk boslear
Axirvadik xrungar
Monis nhoi ek xarir
Tem tachem ek vahan
Motintlean tacho vichar
Muktvont soglleam samkhar.
Tedna io tum mhojea fattlean
Ghevn chintnancho thav
Hanv uzoll zau porian
Thir niallun rav.
Konknni bhas amchi
Povitrancho surngar
Mellom sodinch tuka
Mhojea kurpecho adhar.
- B.E. Mendes
Tivim, Goem
(The Goan Review / May-June 2001)
No comments:
Post a Comment