AKANTVAD

Akantvad


Sonvsarachea Nirmitolean
Rochla sonvsar
Des soglleank vanttun dileat
Ravunk maie mogan.

Magir kiteak raxttram modim'
Zhuzam-moddam uprastat?
Akantvad toiar korun
Niropradheancho jiv ghetat.
Akantvadi raxttramno tumkam
Matui ginean nam?
Zauncho nam mhonn kaido
Tumchea vaitt kortubancho?
Kortole tumi ghatt nimnno
Apleach desacho.

Dekhun motint sodanch dovrat
Kaido vixv xanticho.

Akantvad otirek,
Soddat vaitt kornneo
Monisponnan vagat
Korat boreo kornneo
Nam zalear vinash zatlo
Hea sonvsaracho
Nimnne kortole tumi
Nash tumchea jivitacho.


- Kovita ucharpi Bab Anthony D'Costa,
Fr. Agnel Niketan, Pilar.


(V-Ixtt hanchea upkarant - http://www.v-ixtt.com/kovita.html )

- Forwarded by www.goa-world.com



ABOUT GULF-GOANS e-NEWSLETTER This first of its kind Gulf-Goans e-newsletter archived at www.yahoogroups.com/group/gulf-goans is dedicated to Goans around the Globe and is moderated/edited by Gaspar Almeida (since 1994) and presented by Ulysses Menezes, owner of http://www.goa-world.com website.
EXPRESSIONS - The Flower Shop (Goa) www.goa-world.com/expressions/
THE GOAN FORUM http://www.colaco.net
GOENCHO ULO http://www.fullerlife.in

Goa's only Konkani Music Station Online (since 2000)http://www.live365.com/stations/61664

EUN VADOLL

EUN VADOLL........



Sorlem vadoll!......
Ponn! urlim dhanvteam udkam sollsoll.
To dhanvto varo!......
Koddpam, zuddpancher kaddi hur huro.
Kampeon thortoro!......

Pimplacher poddo varea sor soro.
Ek to voddlo vodd!......
Xanti korunk korim dodd podd.
Ghoram soglim dampon!......
Lok dhanvo korunk aplim vanchovn.
Poddon udka lot!......

Xetkareancho zalo kottpott.
Udkam pottar eun bhonvro!......
Hudoll udkak martalo ventto.
Vattarachi zalim osor!......

Vaream, modda modem kainch nam ontor.
Hunvram udik piun!.....
Dhortor soglim zaleam tondd fugon.
Ordo ganv asa buddon!.....
Okosmat hem ek dharun vadoll eun.



- Mariano Lucas Diniz
Palolem/Canacona/Kuwait
lucasdniz@hotmail.com
http://www.goa-world.com/goa/konkani/


Collection of Mariano Lucas Deniz' Konkani Poems:
http://groups.yahoo.com/group/gulf-goans/msearch?query=Mariano+Lucas+Deniz





http://www.live365.com/stations/61664 - brought to you by Ulysses Menezes
& Gaspar Almeida of www.goa-world.com
http://www.goa-world.com/goa/music/live.htm

ZAP MELLOT ?

Zap Mellot?



Ixttagottichea margar
Bhorvonxeachim kirnnam
Pollounk axelolo
Dusmankaeche kallokan
Vochun ga
Koso xennlo?

Boreaponnachea umbrear
Panvol dovortana
Paianchea tollak
Niddukaichi dhull
Chittkon urlea
Ti khoxi
Zhaddun uddoitolo?

Tujea ontorskonn-an
Ghanneari vostum’ni
Ghontter kela
Zalear tum
Xegunni khornneank
Zago khuimcho
Samballun dovortolo?

Tuje dolle
Nitollsan pollena
Oxem tor
Tuje kan
Sot aikotele
Dista tuka?


Lino B. Dourado
(Utodd’dekar)

http://www.goa-world.com/goa/poems/





http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado


About Lino B. Dourado :
http://groups.yahoo.com/group/gulf-goans/message/4184


A Konkani Tabloid www.fullerlife.com

NATALANCHO KUNSVAR

NATALANCHO KUNSVAR



N eureo-vodde tela kailint poddle
A voin dodol chullir dovorlem
T urturit manddare votan sukle
A mche sundoren bibik bazlem
L han kulkul jibeachi ruch vadoitta
A vddichem batk kunsvar soboitta
N orom filojz khateleak pixear kaddtta
C hunn’nache gons khavpak mon bulgaitta
H axea puri zaina fotfotem-perad khatanna
O rthaborit kunsvar zaina kormolam nastanna.

K huxeal Borit Natalam anvdetanna
U medin xezareank kunsvar vant’tanv
N ovem Voros borem yevnk magtanna
S oireank, ixtt-mittrank bhett dhitavn
V aitt pois korpak mogan lagim aspak
A mchi prarthona Ball Jezuk Natalam disak
R osroxit Nove Vorsan magum-ia xanti mellpak.


Lino B. Dourado
(Utt'tordekar)
http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado




Live Konkani Music at
http://www.live365.com/cgi-bin/directory.cgi?autostart=konkani
1st Konkani Music Station Online since 2000


Goa World Goa Mog Goa SuRaj Super Goa (em Português)
TGF Writers' Sketchpad www.savegoa.com

Visit Goa's favourite website THE GOAN FORUM
http://www.colaco.net
http://www.yahoogroups.com/group/goa-goans/


ABOUT GULF-GOANS e-NEWSLETTER This first of its kind Gulf-Goans
e-newsletter archived at www.yahoogroups.com/group/gulf-goans
is dedicated to Goans around the Globe
and is moderated/edited by Gaspar Almeida (since 1994)
presented by Ulysses Menezes, owner http://www.goa-world.com website
Email: uly334@gmail.com




This is most unique Christmas card I have ever seen -- you click on one of the lighted items and it jumps into another wonderful scene - it goes from page to page and each page is better than the previous page.. Left click for each page.
http://www.jsmagic.net/emissarypage1

Season's Greetings to All !
http://www.goa-world.com
All about Goa and Goans worldwide

TUKA IEVKAR DIUNK.........

Tuka Ievkar Diunk…


Tuka ievkar diunk…
Rukh-zhaddank
Toktokit komreo fulletat
Pornim panam zhoddun
Novim panam paletat

Tuka ievkar diunk…
Bagintlea rompeank
Sobit kolle ful’leat
Tuji vatt
Pollmolan bhorcheak
Fullam tortorchim asat

Tuka ievkar diunk…
Vareavelim suknnim
Anondbhorit distat
Novem git rochlam
Ekvottan gaunk
Tujea ieneank ravtat

Punn monis zat
Aplim mhellim kallzam
Ruhk-zhaddam porim
Nitoll kortele?

Niddukai bond korun
Kuskeaponn pois dovorun
Fulam bhaxen
Pormollit zatele?

Dusmankai visron
Ixttagoticho hat diun
Sunknneam porim
Ekach avazan
Tuji tust gaitele?

Sang Ballka Jezu
Hi monis pranni
Tuka ievkar diunk...
Khorench toiar zali kai?



Lino B. Dourado 24/12/2006
(Utodd’ddekar)
http://www.goa-world.com/goa/poems


NATALANCHEA KALLAR VACHUNK:
http://www.goa-world.com/goa/poems/KRIST%20KHOI%20ASA.htm
http://www.goa-world.com/goa/poems/PRARTHONA.htm
http://www.goa-world.com/goa/poems/NOKETR.htm
http://www.goa-world.com/goa/poems/MONTREACHI%20NATALAM.htm


Lino B. Dourado ani http://www.goa-world.com Sangati ani Karbari
tumcam soggleank "Sukest ani Khuxealborit Natalam" anvdeatat.
Soggleank mai-mogacho sondex ami vistaruiam.
__________________________________________________

BALLKA JEZUK NOMAN

BALLKA JEZUK NOMAN


A – nkvar Mori prarthonam kori ghoran
N – oman Tika keli Anj-Boddvean
T – um ostoream modem sudoiv sonvsaran
H – em aikhun ti sontosli aplea monantlean
O – choreanim soddvonddar zolmotolo kusvean
N – astana patok hem ghoddtolem tachea nanvan
Y – tse pormonnem tache euvkar ditam khoxen

C – holtam bhonvtana kall sorun gelo,
O – I, Ballok Jezu gorvam ghottean zolmolo
R –aianim bhetto divn Jesuk noman kelo
R – osroxit noketracho uzvadd mollbar fanklo
E – kcharan jienvk tannem amkam rosto dakhoilo
I – xttagoticho bandpas moipasan bandlo
A – mkam somestank lhanvikaicho nomunno zalo

P – attlem soglem visron ekvottan jieum-ia,
I – ixttagoticho hat eka-mekak mellum-ia
E – kvottan – mogan cholunk nichev korum-ia
N – attak korun dusmankai, mogan cholum-ia
K – hont marun onniticher, nitik eukar dium-ia
A – psuartponn soddun peleak adar dium-ia
R – ag visron novea vorsan bhitor sorum-ia.


- Anthony Correia Pienkar
Pilerne - Goa / Reggae - Kuwait .
Mob : 00965 6726014
E-mail: pienkar@hotmail.com


[Goa-World.Com Team Anthony Correira Pienkar ani Lawrie Miranda-k Dev Borem Korum mhuntat. Khuxeal Borit Natalam ani Sukest Novem Voros ami tumcam anvddeataum].



This is most unique Christmas card I have ever seen -- you click on one of the lighted items and it jumps into another wonderful scene - it goes from page to page and each page is better than the previous page.. Left click for each page.
http://www.jsmagic.net/emissarypage1

Season's Greetings to All !
http://www.goa-world.com
All about Goa and Goans worldwide
__________________________________________________

Sogglem Asson

SOGGLEM ASSON"



Dissui bor'r cholot
Jiv gelo thokoun
Dolleant eun axem sopnam
Noxib gelem polloun

Molba velim noketram poitanam
Dollem ailem dipkoun
Dhavon pois pavlo
Punn! rosto sorna choloun

Sogleak kam sodtanam,
Veoll gelo pollon
Jienk ani kitem urlam?
Distam moron etam dhanvon

Xarir soglem suklem,
Zaun hadda pinzrem
On’nacho ekuim gotto nam
Jivit zalam duxkallachem

Vondona korun sopon polloilem
Khallok zatoch mon ranat sandlem
Ekmotin jivit aplem rakhlem
Toruim rodlo asson sogglem.


- Mariano Lucas Diniz
lucasdniz@hotmail.com
http://www.goa-world.com/goa/konkani/

Goem - Kal ani Aiz

Goem - Kal ani Aiz


Kalchea Goyeant zomnicher khell
Shalibai, Kolloi, Xempea Minguel
Aichea Gُoyant IFFI-cho mell
Sexy Katrina-Shilpa-Isha Doel

Kalchea Goُyant Gُykar distalo
Eka mekhak melltalo-voddkitalo
Aichea Goُyant lott bhailea lokacho
Xezari zala Andra-Kaddpavelo

Kalchea Goُyant sobit doria kinarer
Khelltalim lhan-vhodd bhurgim ganvchim
Aichea Gُoyant mon bullgavpi praier
Tourist-anche kuddir tel rogoddtat Lamanim

Kalchea Gُoyant panchvichar zhaddam aslelem
Vellar gim', thonddi, pavs poddtalo
Aichem Gُoyem konkrittachea imarotin bhorlelem
Varem, udok, soimb vikhallem zalem

Kalcho Gُoykar susegad aslolo khoro
Punn bholaiken ekdom gottmutt astalo
Aicho Goُykar duddvanchea fattlean danvlo
Dengue, Malaria, AIDS pidda ghevn boslo.



- Lino B. Dourado
(Utodd’dekar)
www.goa-world.com

[Voili kovita Mars-Abril 2007 "The Goan Review"
masikar xhappun ailea].


http://www.goa-world.com/goa/poems/

OJEAP NASTANAM.......

OJEAP NASTANAM......



Deva Bapa!
tujeam nanvan pavl martanam
Hanv kup pois pavlo
punn, chol’lo dissonam.

Tujeach bhavartan!
hanv koxtt kortanam
Ailim zaitim odruxtta
punn kainch dukhlem nam

Bhapa, tujeam pritmichim!
gaianam gaitanam.
onbhavarteank kiteak,
tacho mog nam?

Tujeam thir!
pavlanim hanv choltanam
Dhanvlim kup vorsam
punn khinn gomlo nam.

Deva tujeam!
bhagentlim fulla punjaitan
Soglim panttlim borlim,
toruim fullam somponam.

Tujeam vizmitacho!
sad dollear nixetanam
Tum mhojeant,
utpon zav, ojeap nastanam.


Mariano Lucas Diniz
lucasdniz@hotmail.com
http://www.goa-world.com/goa/konkani/

ANI MAGTANAM..........

Ani Magtanam....



Povitr murtixim
Amurkhi hansun
Mhaka polloit
Kitem magtali kai?

Tichea sorxim vochun
Sangun dislem
Khorench sundore
Tum mhaka avoddlem

Hanvuim-i magtam:
Saibinnim!!!
Poile nodrecho mog ho
Tum samball ge
Mhoji itsa sangun
Tika zapoitam.

Magnnea zagear
Konn ekto ailo
Umedin tannem
Tichea hatak dorlem
Polear kis kelo
Tika gheun cholot ravlo

Age murti
Fatrachi tum
Mhojem magnnem aikunk
Tuka kan asat ge?

Murticher xinn kortanam
Fattlean ektean dhopko dilo
“I am sory” guneanv magtanam
Nodrek nodor mellun mog zalo

Fatrachi murti hansli
Ani mottean vicharlem
"Jem tujem nhoi asta
Tem kiteak magchem?"


Lino B. Dourado
(Utodd’ddekar)
http://www.goa-world.com/goa/poems

SODDVONDAR

"SODDVONDAR"


Devan rochil'lo ho sounsar ojeapancho
Sounvsarant jienk munxeak tannem daddlo
Munis eun heam sounsarant jietalo eksuro
Ostorek Devan daddli diunk sangat ticho.

Sobit sounvsarant tannim dogainim
Sogllo Sounvsar patkan borun kaddlo
Patok adarun munxeak zolm dilo Ponn!
Pap adarun Dev Bapak okman kelo.

Dev to dev ponn munis fudem danvonk laglo
Devacho bhavart nam, chintam aponn voddlo
Devacheam hukme vinnem kainch goddonk nezo
Devacho gutt dev zanna! Munxeak tacho sumar naslo.

Sounvsar korunk patkam vinnem mekllo
Devan Hunvar daddun patkim sounvsar buddoilo
Xekdeanim paigambar hem dhortorer daddlem
Punn! Munis sudronk nam janvaruch urlem.

Vaddoun sounvsarant fotting ponnam, munisponn nam.
Putan paik marlo, bhavak bhav vollkonam
Girestkaiek bhulon dev dormak man dinam
Sot, xantim nam, sogleak chol’lam porduarponnam.

Chintun munxeanchim kortubam devak nam thar.
Munis ponn, xanti porot haddunk heam sounvsarar
Munxeanchem patkam passot aponn melo khursar
dusream dissak jivont zalo zavun soddvondar.


Mariano Lucas Diniz
lucasdniz@hotmail.com
http://www.goa-world.com



http://www.goa-world.com/goa/about_goa
http://www.daijiworld.com/news/default.asp?city=goa
http://www.fullerlife.in/Goenchoulo/goencho_ulo_jan_07.pdf
http://www.beth-beth-lehem.org

CHIRPUTAM

Chirputam



Zoddar zaleant chirputam
Pachvo tancho rong
Kriketichea bolaborim
Gol Gol Ang.

Ras ras kolea modhem
Hollduvem ek chirput
Piklam dekun dambinaka
Tapp futtat pott.

Pott futtlear bhi mellat
Khanvcheak godd godd
Dakttem bebi ainde ghalit
Takach kanvcheak sodd.

Ancy Paladka
http://www.konkanifoundation.com/ancy/

MONTREANCHIM NATALAM

Poileach Pavtt Goenchea Itihasant
MONTREANCHIM NATALAM



Khella Montri zala Christmas fadar
Sogleach toreche khell Goeant addleat
Krixi Montri choddla vankddea maddar
Kunsvar vantt’tunk narl sovai dovorleat

Uzvaddachi porob, zai titli lait vapor
Bizle montreancho ‘fuse’ khoi tori xenn’la
Natal gotto toiar korpak vorixtt rukh kator
Ran Montrean akhil Goem spordha dovorlea.

Tandul, sakor, ghee hea vorsak ration dobrad
Vepar Montreanche soire Natalank ghantar gheleat
Pot bor kha nevreo, manddare, bibik, perrad
Duddvam Montrean goribacheo chullio pettoileat

Modian ratri misa uprant kamara haloit nach nach
Poriotton* Montrean avaz bondi horam choddoileant
Dansak boroch soro pievn motor choloit voch voch
Rostear kondd asat titleach Vahatuk Montrean puroileat

Natalanche sumanan ghanv ghavanim zatleo karriavoli
Kormonnuk Monrtri fugddeo ghalun nachunk ietele
Dezembrachea ektis, vorsachea nimnne tarker
‘Old man’ korun Ali Baba cheallis chorank ulpaitele

Lino B. Dourado
(Utord’dekar-Kuwait)


Poriotton -Tourism
=====


http://www.goa-world.com

BOLKANVANCHEA HUMBREAR

V. IXTT-ar uzvaddak ail'li kovita. Dezembr 7vi,2002


BOLKANVANCHEA HUMBREAR



Donparchem jevonn zalea uprant
Xezarnneo bolkanvanchea umbrear bostaleo
Jinsavar aileo-poileo khobro korun
Eka-mekache matheaveleo u’uvo kaddtaleo

Vaddeantlo konnui duent aslear
U’uvo kaddtanam zataleo gozali
Sanjechi chav ghetle uprant
Duent asleleank bhettunk vetalim

Ponn atam, donparchea vellar
TVcher ieta lokpriya serial
Adim, bosun bolkanvanchea umbrear
Sonvsarik khobro astaleo bailanchea mathear

Voilea ponnsa vaddeantlem cheddum
Sokoilea vaddeantlea cheddea fattlean
Forsuchi okol dollea add korun
Durga kuxik sampoddli Kaituchea gopant

Eklich ghorant, ghov ticho asa tarvar
Kumpar ailo mhonntat, mellunk soiro ailear
Borem navn khobro korun uboitalint varear
U’uvo kaddtana bolkanvanchea umbrear

Tori-i astana adlea xezaream modem
Aplea vaddeantlea lokachi vaspus astali
Atam 'cable' ttivi ghoramni gusun
Xezaranchi ixttagotuch chorun veli.

Lino B. Dourado
(Utord’dekar-Kuwait)

"TUZIM XEOKTI"

"TUZIM XEOKTI"


Vho! Sodvondara tuzeam kurpechem,
Saiba, dim amkam vordan
Koxtt, dukh, durbollkaim pois korunk
Dim amkam tuzim xeokti mahan.


Amcheach dukhanim, amim budleat
Dukhar amcheam tuzo varo mar
Tuzeam nanvan amim jietat
Amcher tuzim kakutichim kurpa dad

Vod vidvan, pondit, tuzem korari
Amim durboll munis tuzem pujeari
Amchem dukh, somadan, tuzi bokti
Oskot amcheam monak dim tuzim yukti.


Vho! Rochnara! Dim amkam tuzim,
Doeam, drixtti anik podvi
Vaitta, vignnak amim tond diunk
Amcheam jivitant dim tuzi xanti.


- MARIANO LUCAS DINIZ.
lucasdniz at hotmail.com

- www.goa-world.com

S U K N N E M

S U K N N E M



Ago supurlea suknnea
Ghontterant mhojea ieo
Bhitor tum ietna
Pakam fuloit ieo.

Tujea pakotte savllean
Mogachi jot* petoi
Svadik moddur nadar
Bhitorlim bhavna zagoi.

Svontrontr varear uddun
Kiteak bexttench toktai?
Agnnant mhojea ievpak
Kiteak tum loztai?

Havn ek nirvasi*
Tujea sangatak axelam
Kor mhaka dadoxi
Ekmude jivitak nirxelam.

Tum ailem zalear
Jinn mhoji bodollteli
Eksuro prannicho jiv
Anandache bhuimer nachteli.

Lino B. Dourado
(Utord'dekar-Kuwait)

Jot -flame
Nirvasi -refugee


=====
http://www.goa-world.com/konkani/poems

Other links to Konkani poems:
www.gulabonline.com
www.v-ixtt.com
www.goa-world.com/konkani/
www.konkanidiaz.com
www.gulabonline.com

PRARTHONA

PRARTHONA



Dev mondirant bhitor sortana
Lokak dakounk turturi vazoinaka
Isvorachi sthuti vhoddlean gaitana
Dusmanacho mog khorcheak visrunaka

Retir kelo, upas dorle, praiochit kelem
Ghora kodean bhav-bhoinink dukoita
Bukel’leank jevonn, vingleank nessunk dilem
Iogdan ditana sonvsarak zagoita

Rat bor dimber poddun, hat uklun Devak argam
Dis bor xezaream thaim zogddim-zhuzam
Kalliz nitoll dovor kirlainaka niddukaichim follam
Mon melem asot, Dev aikona prarthona

Lino B. Dourado
(Utord’dekar Kuwait)

=====
Lino B. Dourado's kovita ghelo at:
http://www.goa-world.com

EK GOENKAR SORGINCHEA DARVONTTEAR

EK GOENKAR SORGINCHEA DARVONTTEAR



Mhojo atmo kalche ratik sorginchea darvonttear
Ek vhoddlo piklelea kaddacho, korunk laglo vinchar
“Pora! Khoim thavn aila, sang vegim, vell korinaka
piddear
Tujim soglim patkam boroilolim asat zott’tieche
pustokar"

Fott sangli, podlom trasant, sotuch uloilear borem
Saiba, hanv aila thavtin borem chollona gha varem
Sorkari bikaranchea bolsani nigut poddunk zai sarem
Oxem korit tor, soglim tuji kama, tabortob khortat
purem

Ali Baba cheallis chor, amche sorkarak mhonntat
Broxttacher korpak Bharotachea poilea zagear urtat
Lonch ghevpakui fattim nant, khunn-chorio vaddttat
Kaidean cholchi tor, suke angar,funkot fator podtat

Amche sorkari korcherint borleat ani distat sogleach
voile
Nove karkaneam aileat, amkam nokri dita mhonn fottoile
Nivddun ail’le montri-amdar, tanchea duddvank gha
bhul'le
Mhoje fattlean urleat, tanche dis bore nant fuddle

“Puro puro, fuddlem ulovpachem bond kor”,
hat dorlo mhoje tonddar
“Somzolom khoimchea Rajeantlo,
tum zavn asa ek Goenkar
Dog adlea 'politician', tumchea patkank lagun
azun pavonant sorgar"
Ek Opinion poll-acho pai Jack Sequeira ani dusro
poilo mukhel montri Bhau Saib Bandodkar

Lino B. Dourado
(Utord'dekar-Kuwait)

www.goa-world.com

SIOLIM-CHOPDEM PULLACHEM RUDAN

SIOLIM-CHOPDEM PULLACHEM RUDAN



Deva mhojea
Mhaka sambal gha
Mhojea velean boreach
Pavsall vochum dhi gha.

MANDOVI bhoinichi
Iad etoch
Bhirantin mhoje
Paim kulkultat.

ZUARI bhavachi
Oskatai pollovn
Angak mhojea
Kantte toptat.

Lokachi xeva korcheak
Mhaka ubo kela
Vorsam borchea adinch
Sokoll udoi-i naka.

Deva mhojea
Mhojea churchure kor gha
Porjea khatiruch
Mhaka sambal gha.

Lino B. Dourado
(Utord'dekar-Goem)

www.goa-world.com/konkani/poems/

Link article:
http://groups.yahoo.com/group/goanet2/message/172

POROT AILI PIDDA

Eka Bebddeachem Rudan, Kovita Rupan
-----------------------------------


POROT AILI PIDDA

Aileat tumi ieat-ieat patrao,
bosat goribachea bankar
Okosmat ievnchem podlem nhoim,
matxea zatlem kustar
Ghorcheank gomoitam,
tumchea boreaponan asat tim sukhar
Tumchi toknai kortat titlich thodi,
porot bhik magunk lokachea dharar


Ghavantlea soglea rostear,
ekui fond bilkul disona
Bizlea kambear sodanch uzvadd,
kednach kallok asona
Bhurgim amchim khuxeal asat,
bandleat khella maidana
Nollant zori baxen udok danvta,
chuckon passun sukona


Konn sangta tumi broxttachar(1)
korpi mhonn?
Sokalchea dova baxen nitoll,
ontorskon asta tumchem
Porjechea duddvani bandleat bongle,
mhotlem konem?
Tumchea matear asta Goeamche
sudaropachem vozem


Dongravelea panchvi(2)zhaddank,
tumi udkant ximptat
Dekhunuch thoimchi zanvaram,
kedea ghanvani distat
Tumi nodivelea pullachea kabeank,
ghott'tt dorun asat
Tea khatiruch bosivelean devun,
porja chollun votat


Tumi Goem sarkench adhunik(3)kelam,
amchi porbim tumkam
Doriak vochpachea vatter,
hotelkarani bandleant durgam
Soimbik doria vell disona,
atam distat fokt bildigam
Xant ghavant, hotelachea melsanin,
bitor sorleat kimsam


Tumi ekuch zagear astat,
makdam baxen udkeo ghenant
Hea khatiruch nov vorsa modem,
tera pavtti vechnuko zaleat
Rajkanni(4) angostram galunuch zolmotat,
nagddea zolmank ienant
Hakach lagun monxeak irlixi loz mhotleli asa,
hem tumi visorleat


Tumi az cholun aileat, churchure,
porjea katir tras, amkam dolleanni dista
Zaitem sanglam ami aikolam,
nivddun ailea mhontoch ogech nhida
Az mot magpak bikari zaleat,
faleam kodelak lagun zogddun montri zata
Ho ek bebdo char dis suko(5)
konank lagun eleisanvamchi porot aili pidda?



Lino B. Dourado
(Utord'dekar-Kuwait)


1) Corruption
2) Greenery
3) Modern
4) Politicians
5) eleisanvam adim ani uprant sorea baram bond astat
tedna

- Forwarded by www.goa-world.com