Aicho Somz

Aicho somaz



Sorv bhonvtonnim nodor marun
Monamni chintnam ailim disun
Lhan somaz ieta ghoddun
Avoi-Bapui bhurgim mellun

Xezareak-Xezareacho adhar mell'lo
Somazache buniadik nett denvlo
Monachea ekvottan kall dhanvlo
Boreponnacho somaz amkam favlo

Veg-veglle monis aichea somazant
aplo kariakortat mogan dhiran
Ghoddpi moddpi sambhallpi xenovpi
Soglle guspotat ekach molleant

Dhorm somazant veg-veglle
Guspaitat monan khoincho apnnavcho
Vad-vivad zata supurleancho
Niall kor dhir dhor

Pall dhorm khorea Devacho
Boball somazant rajki pongddancho
Nagrikank dakhoitat rosto pixeaponnacho
Mogan jieunk ulo borea mon'xancho
Ekcharant bandhum-ia des amcho.

- Edny Agnelo Pereira