REXEAD BANGDDE
Ghor montrik, borich nisteachi ruch aili
Kitem kortolom? Ghoddie bhitor sorlom bazarant
Saiba bogos! Nisteak margai mhonn kosli
Ritea hatamni vochunk zaina zalem ghorant
Pon'nas rupiank dileat bangdde sov
Soreache pompar bangdde zale matxe mov
Ghorkarnin akaxvanni vhoddlean keli chalu
Borem zalem pasiiens aslolo, sundorecho ghov
Bail mhoji lagli takttin bangdde uzravpak
Meav-meav korun ailem mazor boddkam khavpak
Tikxem teflanchi koddi sangli ruchin korpak
Don bangddeank rechadd masala kurkurit tollpak
Donparche pavnne ekak cholta toeari jevnnachi
Sovai ekak bhitor sortat bhurgim iskolachim
Thoddeach vellan auchit lutt zali sasu-pai-maichi
Him anik donparche vellaruch kiteak mhonn ievnchim?
Dhuv khoxi zata avoi-bapui ailo zaite tempan
Teflanchi koddi, rechadd bangddeam soit ghatle jevnna tattant
Hat pasun ruchin leuntat dhuven randlea koddi gostan
Zanvoi polleta pois ravon, bhukeche undir roddtat pottant
Lino B. Dourado
(Utodd'dekar)
Subscribe to:
Post Comments (Atom)
No comments:
Post a Comment