Svotontraiecho Dis
Ekunn sat voros atam bhorta
Svotontrotai Indiek mell'lear,
Sorkar khuxe-nadar uddta
Patthlo sogllo ugddas kelear.
Porke rajki monis gele
Dexi rajki ube zale
Dexi bavtte fulounk lagle
Porjek bobke sangunk lagle.
Porko sorkar bhairu sorlo
Dexi sorkar bhitor sorlo
Porjek koslo faido zalo?
Chaluch asa dukh-dhumallo.
Porza bhuken dis-rat sarta
Porza ratchi bhuken nhidta
Jedna girest pottbhor jevta
Hansta-khellta, gorib roddta.
Svotontrotai udetoli
Soglli porza khuxal zatali
Oxi axa ballgun asli
“Bharot Mata” maim amgeli.
Porza amchi khuxal zaina
Desu amcho follvont zaina
Svotontrotai fuddem voch'na
Porza amchi dhados zaina.
- Moren de Souza, S.J.
Subscribe to:
Post Comments (Atom)
No comments:
Post a Comment