Xanneponnam ani pixeponnam Dhormant, gul' zal'lem Mon Naslem Ritem

Xanneponnam ani pixeponnam Dhormant,
gul'zal'lem Mon Naslem Ritem

Romeo Almeida

Utranchimfulam guntun
Chintnachim noketram korun
Sobir kovita rochleo tannem
Goenkarank, teo vantt'leo tannem
Punn dhorma - pisai aslolea

Eka xannean mhollem;
“Ho kovi, amcho padri koso disonam”.
Dusrea dhorm'vadean sadoilem:
“Amkam tor xikovpachem
Hannem, bott zaun ievpachem”

Ho mon'xall kovi, mogan bhorun
Igorjechea adrar gelo
Mis sompun, lok bhair sorlolo
Sobit kovita to vachit ravlo
Thoim, kan diun, chit diun

Konnench hi kovita aikolina.
Kovitechem xanneponn,
Uzvaddacho rosto,
Kovitecho Povitr sondex

Konnakuch mell'lona
Kiteak?
Eklean mhonllem: Hache kovitent
Amchea dhormachem kainch na

Amchea Santanchem nanv legun na”
Dusrean mhonllem:”
“Igorjechea adrar ievpak
Konn re ho?
To kitem CFC-cho??
Lhan Kristi somudaiecho???
Karizmatik zomeantlo ho ????
Atrevid, kovi mu re ho!!!
Kovik budh xikoupak

Igorje lagxilodhanvddavpak
Lok dhanvun gele, apovpak
Aplea Manadik Padr Vigarak
Kovin chintlem:
“Hea lokancho nixedh,
Mul'lacho, Bottacho
Padr vigaracho denkso
Hanvem kiteak mhonn aikocho?”

“Lokachem mon tor oxir itlem
Mon tor, itlem damplelem
zalear, mhoje koviten
Tankam anik xikoupachem kitem?
Kopol mhojem? Kopol mhojem?

Apleo kovita gheun
Kovi Bazarantlea angnnant gelo.
Nistekar, Posorkar, sorea - dondekar
Kam'dhondo soddun
Soglle aile mukhar.

Kalliz dhin'vasan bhorun
Bazarvaleamnim mhollem:
“Chintpachem, niallpachem
Kitlem vhortem, kitlem Povitr
Xanneponn re hea Kovichem!!!”

Khoxeal zaun kovin
Novem git gailem
“Hat asle rite
Dekhun ghevpak zalem
Mon aslem ritem
Dekhun (hankam) somzolem”.

(Halinch Sorgest zal'lo mhojea jivitantlo eklo mhozo guru, Dr. Manohar Rai Sardessai, hankam hi Kovita orpitam ani mhojem-i mon, SOT-ak ani MOG-ak sodanch ugtem urchem mhonn Devalagim magtam.)