Maincho Ugddas
Mai, Mai, Mai amchi mogachii.
Tum zaun asli amkam baim sukhachi.
Tum zaun asli ghorachi chavi.
Toxich eka ghorkarak devi.
Mai kednach tuvem vaitt utor amkam mhunnunk na.
Vhoddlea avazan amche kode kednach ulounk na.
Sodanch tum lhan, mogall utramni amkam somzaitali.
Bori dekh ani Devachi birant amkam dakhoili.
Mai tuka amchi kitli apurbai ani dasti asli.
Kitli-i duent ani nident asum ekach uleak ubi zatali.
Mai tum asli ekvottachi buniad.
Tujea sangnneak ami kednach vocho naslim add.
Ami nokllonv ami kosli chuk keli,
Auchit, itle vegim tuka Devan apoun vheli.
Mai tujea gunnachi thoknai boroun sompchinam
Tujea osli boria gunnachi anik konn amkam mellchi na.
Ratichem sopnant tuka polletanv,
disachim ugddas korun roddtat,
Sorginchem sukh amche maik favo korunk
Deva kodde magtanv.
Janerache 16 ver Bhag Juse Vazachea festacho,
Tosoch ami sogllim ugddas kortanv tujea zolmacho
- Celina Fernandes Nessai.
Subscribe to:
Post Comments (Atom)
No comments:
Post a Comment