Xarantli Sun
Udkachi ti baim
Kholl zomni ponddak thikam,
Thondd nitoll udok diun
Bhagoita ti amchi soglleanchi tan.
Amchea vaddeant haddli ek sun,
Ti zavn asli vhoddlea xarantli
Sango ‘bainchem udok kaddun
Dukh vaddot mhunon aplea pottantli.
Ghovak sangun kelo bejear
Ravunk ia mhunn xarant,
Na tor tinnem mhunnlem
‘Noll ghal amchea ghorant.
Bailechem sangnnem aikun
Ghovan ghorant noll ghatlo,
Baincher vechim na mhunn
Sunen koddok nichev kelo.
Thoddo kall sorum naka polleiat
Nollachem udok ailem chodd mhellem
‘Nollachem udok pienakat’
Oxem mhunn sorkaran jahir kelem.
Tedna amchi sun chintunk lagli
Donui hat dhorun aplea mathear
Atam ti gheun razu-kollsuli
Xarantli sun bainchea kanttar.....
- (Sorg.) Julio Rodrigues.
Subscribe to:
Post Comments (Atom)
No comments:
Post a Comment