Panvlam

Panvlam



Zodd mhojea panvlamni
Dongor hanv choddcho asam
Mollbavelea Nokhetrank
Hat hanv lavcho asam.

Fantea parar, jinnechem
Sopon hanv polleuncho asam
Ubgol'le jinnent mhoje
Novem sopon kellouncho asam.

Visvas tujer dovrun Jezu
Sopon sakar korchem asam
Panvlam mhojim, tujea panvlar
Dovrun vatt cholcho asam.

Tujench kam' fuddem vhorunk
Panvlam hanv ubarcho asam
Utor tujem porgott korunk
Tujea molleant vavurcho asam.

Lokank tujem boreponn, Jezu,
Tujeach adharan sangcho asam
Amchea khatir dilo prann
Khuris hanv ubarchom asam.

Sopon mhojem sakar zavnk
Vatt hanv pollet asam
Panvlam mhojim fuddem vetat
Dis hanv mezit asam.

- Milton Rodrigues