Mogi ani Mogiem

Mogi ani Mogiem



Mogi: Vontt tuje tenktoch
Mhojea vonttank
Katkulleo zatat mhojea ponttank
Vegllich khuxallkai ieta kallzant
Hat tuzo astoch mhojea hatant
Disonam mhakai konnachich bhirant
Sodanch ghutlaun dhovor mhaka tujea gopan
Anink ani kainch naka hea sonvsarant
Somdirantlim lharam zait bond
Un-unnit suria zait thondd
Ponn tuzo mhozo mog
kednanch vechonan somponn
Disachim tujim chitnam
Ratchim tujim sopnam
Ravunk zainam tuka pollenastana.
Tujem hansop lageop
Ani lojeun portun hansop
Mhaka borem dista
Lhovuch ulovp Tirxe nodren mhaka pollevop
Mhaka borem dista
Mhojer ragar zavop
Ragar zaun mog korop
Mhaka borem dista
Nidlam tum korun bhuz mhojem uxem
Sugondhi ovllam tujea
Kesanchi laita mhaka pixem.


Mogiem: Ailo vell zauncho doxim
Ghora vochpachi na mhaka khoxi
Tujea fuddean anikui ravonxem dista
Punn dis darer poddlo
Kallok zatolo rokddoch
Kallkant vatt polletolem hanv
Faleachea disachi
Borem tor ami fallea mellchim


- Elnish Rodrigues, Sanguem