OJEAPANCHO SONVSAR
Ek dis nodiche kinarer hanv boson,
Auchit monan mhojea oxem ailem chinton,
Jivit mon'xachem khorench ek soponn,
Chintlear sonvsar ho dista ek fokann.
Nistem jieta doriachea udkan buddon,
Suknnim ontrollar voir varear uddon,
Zonnvaram team orixtt zongllamni ravon,
Akhrek kotta, tim ek dis vetat moron.
Dongor, khoddpam, toxinch tim urta,
Tankaim kednaim tokevott rauta,
Lankddam zollun tancho gobor zata,
Monis mortoch kuddik mati khata.
Disachem suria aplim kirnam uzvaddaita,
Suria dharer pautoch kallok poddtta,
Ratricho chondrim aplo uzvadd ghalta,
Kallukhi ratr ti somptoch suria udeta.
Hem nialttam-nialttam, kallok zait ailo,
To orixtt suria somdirachea pottant riglo,
Amorecho vell zaun ghorcho rosto dhorlo,
Ojeapancho sonvsar ho Devanuch ghoddlo.
- J.P. Fernandes, Xelpem Mapusa
Subscribe to:
Post Comments (Atom)
No comments:
Post a Comment