Devacho Ghutt
Nirxel'lea dolleamni mollbak pollelem
Punn tum ailoch nam
Mollbar kallim kupam dislim
Punn zomin bizlich nam.
Jivitachea darvonttear,
Novo suria udeloch nam
chok-choktim kirnnam
kallzachea umbrear pavlinch nam.
Sodanch tuka udok ghatlem,
Noveo komreo futtleoch nam
Kolleacho gulam' fultaso dislo
Punn tambddo rong ailoch nam.
Ratichim sopnam,
Ugddas pasun urloch nam
Sopnelelim chintnam,
Jivit aiz bodol'lench nam.
Ambeachem zhadd vaddlam,
Novim fulam dhorlinch nam
kitlim aiz vorsam zalim,
Foll tachem chaklench nam.
Jivitachem umannem
Aiz konnech soddoilench nam
Devacho ghutt Devuch zannam
Konnakuch khobor nam
- Milton Rodrigues
Subscribe to:
Post Comments (Atom)
No comments:
Post a Comment