Sasnnak

Sasnnak


Hanv mhaka
Dev Somestank

Adleanchi mhonn'nni
Khol somzonni

Somazachi somzonni
Munisponnachi kornni

Khoim tori guspolea
Guspon guspol'lea

Apsvartponn vaddlam
Munisponn vaddlam

Zapel pasun marog zaun
Mon'xan kitem addailam?

Rogtachea bhurgeak
bapui axeta

azilant roddon
dis kaddta

Ghoram,duddu kusta
‘Foreign' sunneak posta

Tachi rakhonn korunk pasun
‘Servant' anik asta.

Punn, bapui azilant
Moga utrak axeta

Jivitachi donpar thaun sanje meren
axevn axevn nirxeta.

Ratichea Tersant, Rozara vellar
putak borem magun
bapui nidunk veta.
Nid sasnna sasnnak!

- Cosma Fernandes