Bharot Mate!

Bharot Mate!

Bharot Mate,
Motlobeamni Tuka fapsoili
Punn putamni tujea
aplea jivachi korun boli
Svotontrtai Tuka ubzoili.

Bharot Mate, nagovnneamni Tuka bandloli
funttea-sanklleamni.
Chorun-pokrun Tuka khailoli
Europi bokddeamni.

Oxi putamni Tujea jinn zagoiloli
Suttka Tuka melloiloli
Satyagraha-chea zhogddeamni.

Bharot Mate,
Atam Tujech put
zaleat vhodd bokdde.
Tãnnim Tuka bandleat
bhroxttacharache sanklle.

Oxir monache toiar keleat
roste tãnnim vankdde.
Rogtak-rogot vollkhonam
Dhormachea nanvan
Jiv kaddtat rokdde.

Mate mhojê Bharot
Gulamponnantli Tuka
Soddoili zorot-morot
Atam duxtteponnant
veta tum virot-jirot
Oxi Svotontrai Tuka melltoli porot?

- Mathew D'Souza, Merxe